IMAMAT 4:21 - Tanou Moonsoi Timugon

²¹ Kopongo raginio musiti' Tingganai Maayo Imam no magibit ra sapi' no mongoi ra liwar ru pangkiman am solobon no ginio, koson ra io monolob ra sapi' tayar ru taak simbalui koson mangampun ra tula nano galama'. Gitio noyo taak simbalui koson mangampun ra tula ru ngaangai' ulun.

IMAMAT 4:21 ပူးပေါင်းရင်းမြစ်များ

IJRA 8:35

Paat ra orou raginio niayuk, ngaangai' ulun ondo' minuli' intor ra pamatiran, nampataak ra taak simbalui koson mapabansuk ra guang ru Tuhan, i Aki Kapuuno' ru Israil. Nampataak ilo ra 12 ngainan sapi' gawayan ra tayar ru ngaangai' ulun ru Israil, 96 ngainan domba gawayan am 77 ngainan anak domba. Nampataak ilo niayuk ra 12 ngainan kambing ra tayar ru taak simbalui koson mangampun ra tula nilo galama'. Ngaangai' bibiag no sinolob koson ra taak simbalui koson ra Tuhan.

KAINGKUALAN 29:14

Kaa' kual, kungkung am tinai' ru sapi' gawayan no solobon ra liwar ru pangkiman. Ginio noyo taak ra sinimbalui koson pangampunan ra tula ru imam-imam.

YEHEZKIEL 45:22

Paat ra orou kasaa' ru pangiantakan no, ulun manguasa' ondo' mamarinta musiti' mampataak ra sanginan sapi' gawayan koson ra taak simbalui koson mangampun ra tula nano galama' am ra ngaangai' mamagun.

IMAMAT 16:15

Musiti' i Arun manimbalui boo ra kambing no tayar ra taak simbalui koson mangampun ra tula ru ulun ru Israil. Musiti' io magibit ra raraa' ru kambing no mumpos ralalom ru Lamin Matulai Kaga', am mapatakis ra raraa' no giu' ra rasawat ru tataub ru Kaban Nabantuan am giu' ra saang ru Kaban no koson ra ondo' binaal no noyo ra raraa' ru sapi' gawayan no.

IMAMAT 16:21

Musiti' i Arun mapabanta' ra karuo-ruo kalindu' nano ra rasawat ru ulu ru kambing no am mangiou ra ngaangai' kalaatan, tula am ginuaran ru ulun ru Israil. Ginio noyo ra ngaangai' tula ru ulun ru Israil patapikon ra rasawat ru ulu ru kambing no. Musiti' kambing no anjungon boo giu' ra tana' kaagisan ru sangulun ondo' sinusub noyo mapaugar raginio.

IMAMAT 16:27

Sapi' gawayan am kambing ondo' pataakon tayar ru taak simbalui koson mangampun ra tula, am ondo' raraa' no ibiton giu' ra ralalom ru Lamin Matulai Kaga' tayar mamuso ra tula, musiti' ibiton mingkual giu' ra liwar ru pangkiman am solobon. Kungkung, kual am tinai' ru karuruo bibiag no musiti' solobon ngaangai' no.

IMAMAT 4:13

Amon ru ngaangai' ulun ru Israil makatula sabap ra minanggal rondo' ra susuban ru Tuhan ra kalo singonon,

IMAMAT 4:20

Baal pinamakuan no ra sapi' no nogondo' koson ra pinamakuan no ra sapi' gawayan tayar ru taak simbalui koson mangampun ra tula. Koson ragitio noyo Tingganai Maayo Imam no mapataak ra taak simbalui tayar ru tula ru ngaangai' ulun, am ampunon ilo boo ru Tuhan.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

IMAMAT 6:23

Sanganu pana intor ra taak simbalui koson paringkuanangan ra Tuhan, ondo' pataakon ru imam kalo maakan; musiti' solobon ngaangai' no.

IMAMAT 8:17

Alap io ra suwo ru sapi' no pinaaya' kungkung, kual am tinai' no, solobo' no boo ngaangai' no giu' ra liwar ru pangkiman, koson ra nanusuban ru Tuhan.

UNTABAN 15:24

am amon ru kasalaan no binaal sabap ulun kalo nakapandai ra aturan, am ilo musiti' mapataak ra sanginan sapi' gawayan tayar ru taak simbalui koson mapabansuk ra guang ru Tuhan, ondo' owou ru lisun no mapabansuk ra guang Nano. Pabayaan ra taak simbalui no ilo musiti' mapataak niayuk ra taak simbalui koson paringkuanangan am taak simbalui wain koson ra ondo' inaru'. Suai raginio, musiti' ilo mapataak ra sanginan domba gawayan tayar ru taak simbalui koson mangampun ra tula.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 13:11

Raraa' ru bibiag ondo' alapon ra taak simbalui koson mangampun ra tula ibiton ru Tingganai Maayo Imam giu' ra Intok Matulai Kaga'. Kaa' baangkai ru bibiag no solobon patiri' ra liwar ru kim.