IMAMAT 4:15 - Tanou Moonsoi Timugon

¹⁵ Tingganai-tingganai ru ulun no musiti' mapabanta' ra kalindu' nilo ra rasawat ru ulu ru sapi' no, am simbaluyon boo ra giu' no.

IMAMAT 4:15 ပူးပေါင်းရင်းမြစ်များ

2 TUNUNG RU BANSA' ISRAIL 29:23

Pupus no inibit nilo kambing gawayan ra raja' am mamagun, am pabantaa' nilo boo kalindu' giu' ra rasawat ru bibiag no.

KAINGKUALAN 24:1

Indagu boo Tuhan ri Musa, “Pagaloi ra gunung mongoi uma' Raki', mabaya' kou ri Arun, Nadab, Abigu am tulu' ngoopor tingganai ru Israil, am samba Raki' intor ra maalur.

KAINGKUALAN 24:9

Kopongo raginio i Musa, Arun, Nadab, Abigu am tulu' ngoopor ngaulun tingganai no nagaloi ra gunung,

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 1:4

Musiti' ulun no mapabanta' ra kalindu' nano ra tampak ru ulu ru sapi' no maa' raginio taak nano apuon ru Tuhan koson taak simbalui koson mangampun ra tula nano.

IMAMAT 16:21

Musiti' i Arun mapabanta' ra karuo-ruo kalindu' nano ra rasawat ru ulu ru kambing no am mangiou ra ngaangai' kalaatan, tula am ginuaran ru ulun ru Israil. Ginio noyo ra ngaangai' tula ru ulun ru Israil patapikon ra rasawat ru ulu ru kambing no. Musiti' kambing no anjungon boo giu' ra tana' kaagisan ru sangulun ondo' sinusub noyo mapaugar raginio.

IMAMAT 4:16

Musiti' Tingganai Maayo Imam magibit ra santayaran intor ra raraa' ru sapi' no giu' ra ralalom ru Kim ru Tuhan.

IMAMAT 4:4

Tingganai Maayo Imam no musiti' magibit ra sapi' gawayan giu' ra kulobon ru Kim ru Tuhan, pabantaan no kalindu' nano rasawat ru ulu ru sapi' no, am simbaluyon ginio ra saang ru Kim.

IMAMAT 8:14

Kopongo raginio pagibit i Musa ra sanginan sapi' gawayan mamulok ra tayar ru taak simbalui mangampun ra tula, pabantaa' boo ri Arun am anak-anak nano kalindu' nilo ra rasawat ru ulu ru sapi' no.

IMAMAT 8:18

Kopongo raginio pagibit boo i Musa sanginan domba gawayan koson ra tayar ru taak simbalui koson mapabansuk ra guang ru Tuhan, am pabantaa' boo ri Arun am anak-anak nano kalindu' nilo ra rasawat ru ulu ru domba gawayan no.

IMAMAT 8:22

Kopongo raginio pagibit i Musa ra sanginan domba gawayan poyo tayar ru patimpokon ra imam, pabantaa' boo ri Arun am anak-anak nano kalindu' nilo ra rasawat ru ulu ru kambing no.

UNTABAN 11:16

Indagu Tuhan ri Musa, “Timungo' tulu' ngoopor ngaulun ungkuyon ondo' urumaton am ondo' iniou ra tingganai ru ulun ru Israil. Ibito' ilo muma' Raki' giu' ra Kim Kuno, am susubo' ilo migor ra giu' no, giu' ra sapapa' muno.

UNTABAN 11:25

Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 8:10

Ulun ru Israil musiti' mapabanta' ra kalindu' ra rasawat ru ulu ru ulun ru Liwi,

UNTABAN 8:12

Mopongo raginio ulun ru Liwi musiti' mapabanta' ra kalindu' ra rasawat ru ulu ru karuo-ruo sapi' gawayan no; sanginan pataakon tayar ru taak simbalui koson mangampun ra tula am ondo' sanginan poyo tayar ru taak simbalui koson mapabansuk ra guang ru Tuhan. Ralalom ru upacara raginio noyo ulun ru Liwi kinapasau.