IMAMAT 4:13 - Tanou Moonsoi Timugon

¹³ Amon ru ngaangai' ulun ru Israil makatula sabap ra minanggal rondo' ra susuban ru Tuhan ra kalo singonon,

IMAMAT 4:13 ပူးပေါင်းရင်းမြစ်များ

IJRA 10:19

Nambantu' ilo mangali ra andu'-andu' nilo, am ilo pana nampataak ra sanginan domba gawayan koson ra taak simbalui koson mangampun ra tula.

MAZMUR 19:13

Kolondo' sangulun pana makakito ra sala nano galama'; iou Tuhan, palabuso' aku no intor ra kasalaan ondo' nasibuni.

YEHEZKIEL 45:22

Paat ra orou kasaa' ru pangiantakan no, ulun manguasa' ondo' mamarinta musiti' mampataak ra sanginan sapi' gawayan koson ra taak simbalui koson mangampun ra tula nano galama' am ra ngaangai' mamagun.

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

IMAMAT 16:5

Musiti' ulun ru Israil manaak ri Arun ra ruo ngainan kambing gawayan tayar ru taak simbalui koson mangampun ra tula, am sanginan domba gawayan tayar ru taak simbalui koson mapabansuk ra guang ru Tuhan.

IMAMAT 4:21

Kopongo raginio musiti' Tingganai Maayo Imam no magibit ra sapi' no mongoi ra liwar ru pangkiman am solobon no ginio, koson ra io monolob ra sapi' tayar ru taak simbalui koson mangampun ra tula nano galama'. Gitio noyo taak simbalui koson mangampun ra tula ru ngaangai' ulun.

IMAMAT 5:17

Amon ru osoi ayuk pana ra kalo singonon mambaal ra tula sabap ra manggal rondo' intor ra susuban ru Tuhan, makasala ulun no am musiti' io mansaan ra kinibit no.

IMAMAT 6:4

Musiti' ulun ondo' makatula no mambayar ra ngaangai' ondo' noowot nano ra kalo matanda'. Paat ra orou io narampatan ra makasala, musiti' io mambayar ra ngaangai' logo no ra tatangan no, ruangin poyo ruo ngoopor piatus.

UNTABAN 15:22

Amon ru sasangulun ra kalo singonon kalo nagagaya' rondo' aturan ondo' tinaakan ru Tuhan ri Musa,

1 KORINTUS 11:27

Ginio boo ra osoi ayuk mangakan ra ruti' ru Tuhan kapoam manginum ra sangkir ru Tuhan ra kalo mangurumat Riso, ulun no makatula, sabap ra kalo mampakaatang ra inan am raraa' ru Tuhan.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.