IMAMAT 4:12 - Tanou Moonsoi Timugon

¹² am ibiton boo ngaangai' no giu' ra liwar ru pangkiman. Ra giu' no ngaangai' no musiti' solobon ra rasawat ru luton giu' ra intok pamatiran ra kaau, iono intok ondo' pinatimpok raginio.

IMAMAT 4:12 ပူးပေါင်းရင်းမြစ်များ

KAINGKUALAN 29:14

Kaa' kual, kungkung am tinai' ru sapi' gawayan no solobon ra liwar ru pangkiman. Ginio noyo taak ra sinimbalui koson pangampunan ra tula ru imam-imam.

YEHEZKIEL 43:21

Alapo' anak ru sapi' gawayan ondo' pataakon koson ra taak simbalui koson mangampun ra tula, am solobo' taak simbalui no giu' ra intok ondo' inaru', iono giu' ra liwar ru intok mapasau ra Baloi ru Tuhan.

IMAMAT 13:46

Magulayun io majamol buoi ra io marualan. Musiti' io mayan ra liwar ru pangkiman, sumuai intor ra ulun bokon.

IMAMAT 16:27

Sapi' gawayan am kambing ondo' pataakon tayar ru taak simbalui koson mangampun ra tula, am ondo' raraa' no ibiton giu' ra ralalom ru Lamin Matulai Kaga' tayar mamuso ra tula, musiti' ibiton mingkual giu' ra liwar ru pangkiman am solobon. Kungkung, kual am tinai' ru karuruo bibiag no musiti' solobon ngaangai' no.

IMAMAT 4:21

Kopongo raginio musiti' Tingganai Maayo Imam no magibit ra sapi' no mongoi ra liwar ru pangkiman am solobon no ginio, koson ra io monolob ra sapi' tayar ru taak simbalui koson mangampun ra tula nano galama'. Gitio noyo taak simbalui koson mangampun ra tula ru ngaangai' ulun.

IMAMAT 6:23

Sanganu pana intor ra taak simbalui koson paringkuanangan ra Tuhan, ondo' pataakon ru imam kalo maakan; musiti' solobon ngaangai' no.

IMAMAT 6:30

Kaa' amon ru makararaa' ru bibiag no ondo' inumpasan ralalom ru Kim ru Tuhan pinakai boo koson upacara pangampunan ra tula, kual ru bibiag no kalo maakan; bibiag no musiti' solobon.

IMAMAT 6:4

Musiti' ulun ondo' makatula no mambayar ra ngaangai' ondo' noowot nano ra kalo matanda'. Paat ra orou io narampatan ra makasala, musiti' io mambayar ra ngaangai' logo no ra tatangan no, ruangin poyo ruo ngoopor piatus.

IMAMAT 8:17

Alap io ra suwo ru sapi' no pinaaya' kungkung, kual am tinai' no, solobo' no boo ngaangai' no giu' ra liwar ru pangkiman, koson ra nanusuban ru Tuhan.

IMAMAT 9:11

Kaa' solobo' ri Arun kual ru sapi' gawayan no am kungkung no giu' ra liwar ru pangkiman.

UNTABAN 15:35

Indagu boo Tuhan ri Musa, “Ulun no musiti' ukumin ra matoi. Musiti' io ibiton ra liwar ru pangkiman am giu' no ngaangai' ulun musiti' momobol riso saboi matoi.”

UNTABAN 19:3

Pataakon boo ri Musa am i Arun sapi' no ra Imam Iliajar. Sapi' no musiti' ibiton ra liwar ru pangkiman am simbaluyon ra saang ri Imam Iliajar.

UNTABAN 19:5

Ngaangai' ru sapi' no, makaaya' kungkung, kual, raraa' am tinai' nano musiti' solobon giu' ra saang ru imam.

UNTABAN 5:3

Susubo' noyo ngaangai' ulun ondo' majamol mingkual maa' raginio kalo majamalan nilo pangkiman, intok ayanan Kuno mabaya' ra ulun Kuno.”

IBRANI 13:11

Raraa' ru bibiag ondo' alapon ra taak simbalui koson mangampun ra tula ibiton ru Tingganai Maayo Imam giu' ra Intok Matulai Kaga'. Kaa' baangkai ru bibiag no solobon patiri' ra liwar ru kim.