IMAMAT 3:9 - Tanou Moonsoi Timugon

⁹ am pataakon boo tayar ragitio intor ra domba no koson ra taak ra akanon ra Tuhan: Lomok, ngaangai' ru iku' ondo' mokolomok am pututon maar ra bungul ru bakulung, lomok ondo' nokolopot ra kalabuat,

IMAMAT 3:9 ပူးပေါင်းရင်းမြစ်များ

2 SAMUIL 6:17

Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

1 RAJA'-RAJA' 3:15

Paat ra Raja' Salomo nakarat, nakaliman io ra minindagu i Aki Kapuuno' riso ralalom ru inupi. Kopongo raginio minongoi Raja' Salomo ra Jirusalim am minigor ra saang ru Kaban Nabantuan ru Tuhan. Nampataak Raja' Salomo ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Kopongo raginio nambaal Raja' Salomo ra bunsag koson ra ngaangai' ru pagawai nano.

1 RAJA'-RAJA' 8:63

Raja' Salomo nampataak ra 22,000 ngainan sapi' am 120,000 ngainan domba koson ra taak simbalui koson makibarakat ra Tuhan. Koon raginio noyo Raja' Salomo am ngaangai' ru mamagun napaugar ra patimpokon Baloi ru Tuhan.

1 RAJA'-RAJA' 8:64

Paat ra orou raginio niayuk patimpokon ru raja' tampilon ra tanga' ru liliut, iono intok tampilon ra saang ru Baloi ru Tuhan. Giu' no nampataak io ra taak simbalui koson mapabansuk ra guang ru Tuhan, taak simbalui koson paringkuanangan am lomok ru bibiag intor ra taak simbalui koson makibarakat ra Tuhan. Napataak raja' ra ngaangai' no ra giu' no sabap ra altar gangsa' ondo' binaal nano, boborok kaga' koson ra ngaangai' ru taak simbalui no.

1 TUNUNG RU BANSA' ISRAIL 16:1

Pinabanta' nilo Kaban Nabantuan no giu' ra ralalom ru kim ondo' tinampos noyo ru Raja' Daut. Kopongo raginio nampataak ilo ra taak-taak simbalui koson mapabansuk ra guang ru Tuhan am taak-taak simbalui koson makibarakat Riso.

KAINGKUALAN 29:22

“Alapon lomok ru domba gawayan no, iku' ondo' mokolomok, lomok ru kalabuat, tampilon moonsoi kaga' ra angkayau, karuruo bubua' am lomok no, am niayuk paa ru domba ra pamiris.

AMSAL 23:26

Alii ra anak kuno, imansai' toojo am bayaa' bayag kuno.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

IMAMAT 17:5

Susuban ragitio makaarati' ra intor paat raginio, musiti' ulun ru Israil magibit ra ngaangai' bibiag ondo' masaga' pataakon giu' Kim ru Tuhan; ragili kaindalaman no simbaluyon bibiag no giu' ra tana' malimparang. Musiti' ulun ru Israil magibit ra bibiag no ra imam giu' ra saang ru Kim ru Tuhan, am simbaluyon ginio ra giu' no tayar ru taak simbalui koson makibarakat ra Tuhan.

IMAMAT 7:3

Ngaangai' lomok ru bibiag no musiti' pasuayon am pataakon giu' ra rasawat ru altar: Iku' ondo' mokolomok, lomok nokolopot ra kalabuat,

IMAMAT 8:25

Alap i Musa ra lomok ru domba no, am niayuk iku' ondo' mokolomok, lomok ondo' nokolopot ra kalabuat no, tayar ra moonsoi kaga' intor ra angkayau no, angkawa' pabayaan ra lomok no am paa ra pamiris ru domba no.

IMAMAT 9:19

Pabantaa' ri Arun tayar ra mokolomok intor ra sapi' am domba no

1 SAMUIL 10:8

Mopongo raginio musiti' kou mongoi ra Gilgal ra makapagulu intor raki', am paginaa ra giu' no buoi tulu' ngoorou. Mopongo raginio matong aku koson mapataak ra taak simbalui koson mapabansuk ra guang ru Tuhan, am taak simbalui koson makibarakat ra Tuhan, am niayuk mambala' rirun ra atan ondo' musiti' baalon muno.”