IMAMAT 3:7 - Tanou Moonsoi Timugon

⁷ Amon ru mapataak sasangulun no ra sanginan domba, musiti' io magibit ra domba no ra Kim ru Tuhan.

IMAMAT 3:7 ပူးပေါင်းရင်းမြစ်များ

1 RAJA'-RAJA' 8:62

Kopongo raginio Raja' Salomo am ngaangai' ulun ondo' natitimung ra giu' no nampataak ra taak simbalui ra Tuhan.

IMAMAT 3:1

Paat ra sasangulun mapataak sanginan intor ra sapi' nano koson taak simbalui koson makibarakat ra Tuhan, sapi' no gawayan kapoam ruandu', kaa' kalo najamaran no.

UNTABAN 15:4

Osoi ondo' mapataak ra domba kapoam kambing tayar ru taak simbalui koson mapabansuk ra guang ru Tuhan, musiti' niayuk mangani' ra sakilogram tapung moonsoi kaga' pinaratok ra salito umau ru jaitun koson taak simbalui koson paringkuanangan; pabayaan ra salito wain, koson pabayaan ra moonong bibiag ondo' pataakon.

UNTABAN 28:4

Pataako' sanginan anak domba tampilon ra susuab ti am sanginan poyo tampilon ra mai' ti;

IPISUS 5:12

Paat ra ngaangai' no pabalaan, bagu no makito paliso nilo ra sotopot no. (Manabit ayuk ra baal ondo' nakasibuni nilai no pana am makauyuyu' toojo.)

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.