IMAMAT 3:2 - Tanou Moonsoi Timugon

² Musiti' ulun no mapabanta' ra kalindu' nano ra rasawat ru ulu ru sapi' no, simbaluyon boo ginio ra saang ru kulobon ru Kim ru Tuhan. Pawason raraa' ru sapi' no ru imam-imam ra papag ri Arun ra kaapat-apat sapapa' ru altar,

IMAMAT 3:2 ပူးပေါင်းရင်းမြစ်များ

KAINGKUALAN 29:10

“Mopongo ginio ibiton sapi' gawayan ra saang ru Kim Kuno. Susubon i Arun am anak-anak nano mapabanta' ra kalindu' nilo ra tampak ru ulu ru sapi' gawayan no.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

IMAMAT 8:22

Kopongo raginio pagibit i Musa ra sanginan domba gawayan poyo tayar ru patimpokon ra imam, pabantaa' boo ri Arun am anak-anak nano kalindu' nilo ra rasawat ru ulu ru kambing no.

IMAMAT 1:11

Bibiag no musiti' simbaluyon tampilon ralayo ru altar, am raraa' ru bibiag no musiti' pawason ru imam-imam ra kaapat-apat sapapa' ru altar.

KAINGKUALAN 29:11

Simbaluyon sapi' no ra saang Kuno, ra saang ru kulobon umpasan ra Kim.

KAINGKUALAN 29:16

Simbaluyon domba gawayan no, am raraa' no pawason ra kaapat-apat sapapa' ru altar.

IMAMAT 3:3

am mapataak boo ra tayar ragitio intor ra sapi' no koson ra taak ra akanon ra Tuhan: Ngaangai' lomok ondo' nokolopot ra kalabuat,

IMAMAT 3:8

Musiti' io mapabanta' ra kalindu' nano ra rasawat ru ulu ru domba no am simbaluyon boo ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

UNTABAN 18:17

Kaa' anak katuaan ru sapi', domba am kambing kalo mapuli'; bibiag raginio tayar Kuno ngaangai' am musiti' pataakon koson ra taak simbalui. Pawaso' raraa' ru bibiag no ra altar am solobo' lomok no tayar ru taak akanon; owou no mapabansuk ra guang Kuno.

KAINGKUALAN 29:15

“Alapon sanginan intor ra domba gawayan no, am susubon i Arun am anak-anak nano mapabanta' ra kalindu' nilo ra tampak ru ulu ru domba no.

KAINGKUALAN 29:19

“Alapon sanginan poyo domba gawayan iono domba paat ra upacara patimpokon. Susubon i Arun am anak-anak nano mapabanta' ra kalindu' ra tampak ru ulu ru domba gawayan no.

IMAMAT 17:3

Paat sangulun Israil no mapataak ra Tuhan ra sapi', domba kapoam kambing, musiti' simbaluyon bibiag no giu' ra saang ru kulobon ru Kim ru Tuhan. Amon ru manimbalui io ra bibiag no giu' ra intok ra bokon, manggal io noyo ra ukum. Napasasar io noyo ra raraa' am kalo boo karaan ra ulun ri Aki Kapuuno'.