IMAMAT 3:17 - Tanou Moonsoi Timugon

¹⁷ Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 3:17 ပူးပေါင်းရင်းမြစ်များ

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

2 TUNUNG RU BANSA' ISRAIL 29:35

Suai ra mampataak ra taak simbalui koson mapabansuk ra guang ru Tuhan, imam-imam niayuk nampataak ra lomok intor ra taak-taak simbalui ondo' inakan ru mamagun. Imam-imam niayuk nampataak ra wain nabaya' ra taak simbalui koson mapabansuk ra guang ru Tuhan. Koon raginio noyo sambayang giu' ra Baloi ru Tuhan pinatalimpuun saguli'.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

IMAMAT 10:15

Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

IMAMAT 16:34

Aturan ragitilo musiti' gagayaan ra sabuoi-buoi no. Musiti' baalon upacara ragitio igondo' sambilor koson mapapasau ra ulun ru Israil intor ra ngaangai' tula nilo. Ginio ra, baalon ngaangai' no koson ra nanusuban ru Tuhan ri Musa.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 23:14

Pai' min akano' barli baguon no, ondo' makata', ondo' sininggala', kapoam sinauk ra ruti', ra kalo poyo mapataak kau ri Aki Kapuuno' ra barli baguon no. Aturan ti musiti' gagayaan ru ngaangai' papag mino ra sabuoi-buoi no.

IMAMAT 23:21

Paat ra orou raginio pai' baalo' kandoi moonong orou, kaa' timung no ra sumambayang. Musiti' aturan ti gagayaan ru papag mino ra sabubuoi no, ra ati ayuk inayanan nilono.

IMAMAT 24:3

Moonong rondom musiti' i Arun mansikit ra lampung no am polosoon ginio mapaang saboi ra susuab ti. Musiti' lampung no pabantaan giu' ra saang ru Tuhan, giu' ra liwar ru tabir ondo' giu' ra saang ru Kaban Nabantuan giu' ra Lamin Matulai Kaga'. Musiti' susuban ragitio gagayaan ra sabubuoi no.

IMAMAT 24:9

Ruti' no tayar ri Arun am papag nano. Musiti' nilo akanon ruti' no giu' ra intok mapasau, sabap ra ruti' no tayar ondo' mapasau kaga' intor ra taak akanon ondo' pataakon ra Tuhan ra tayar ru imam-imam.

IMAMAT 3:16

Imam ondo' mangandoi monolob ra ngaangai' no rasawat ru altar. Owou ru taak ra akanon no mapabansuk ra guang ru Tuhan. Ngaangai' lomok ru bibiag iono tayar ru Tuhan.

IMAMAT 4:1

Nanusub Tuhan ri Musa

IMAMAT 6:15

Musiti' imam no mangalap ra sogonggom tapung mabaya' ra umau, am ngaangai' kaminyan no, am solobon boo ngaangai' no ra rasawat ru altar koson tatandu' ra ngaangai' no pinataak noyo ra Tuhan. Owou ru taak simbalui no mapabansuk ra guang ru Tuhan.

IMAMAT 6:18

Koson kalo boo lalanggain, moonong ungkuyon ra papag ri Arun makaakan raginio koson ra tayar nilo intor ra akanon ondo' pataakon ra Tuhan. Ulun ra bokon ondo' mangambong ra taak ra akanon mausung sabap ra kaikangan ru kapasawan ru ginio.

IMAMAT 6:22

Koson kalo boo lalanggain, taak simbalui ti musiti' pataakon ru moonong papag ri Arun ondo' masauk ra Tingganai Maayo Imam. Taak simbalui ti musiti' solobon ngaangai' koson taak ra Tuhan.

IMAMAT 7:23

ra tayar ru ulun ru Israil. Kalo maakan no lomok ru sapi', domba kapoam kambing.

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

IMAMAT 7:36

Paat ra orou raginio manusub Tuhan ra ulun ru Israil maa' raginio manaak ra tayar ragitio ra imam-imam. Gitio noyo aturan ondo' musiti' gagayaan ru ulun ru Israil ra sabuoi-buoi no.

UNTABAN 19:21

Musiti' kau gumagaya' ra aturan ragitio ra sabuoi-buoi no. Ulun ondo' mapatakis ra timug tayar ru upacara pamasawan no musiti' mampupu' ra bayang nano. Osoi ondo' nangambong ra timug tayar ru upacara pamasawan no masauk ra majamol saboi tumolop mato ru orou.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 12:23

Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

SAGULION 12:24

Pai' pangakan ra raraa'; sasari' raraa' ra tana' koson ra timug.

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

1 TIMOTIUS 4:4

Ngaangai' ondo' sinauk ri Aki Kapuuno' no moonsoi am kolondo' ra rondo' kon malaat amon ru apuon mabaya' ra pakiasian ru paringkuanangan.