IMAMAT 3:16 - Tanou Moonsoi Timugon

¹⁶ Imam ondo' mangandoi monolob ra ngaangai' no rasawat ru altar. Owou ru taak ra akanon no mapabansuk ra guang ru Tuhan. Ngaangai' lomok ru bibiag iono tayar ru Tuhan.

IMAMAT 3:16 ပူးပေါင်းရင်းမြစ်များ

KASAUKAN 4:4

I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano,

2 TUNUNG RU BANSA' ISRAIL 29:35

Suai ra mampataak ra taak simbalui koson mapabansuk ra guang ru Tuhan, imam-imam niayuk nampataak ra lomok intor ra taak-taak simbalui ondo' inakan ru mamagun. Imam-imam niayuk nampataak ra wain nabaya' ra taak simbalui koson mapabansuk ra guang ru Tuhan. Koon raginio noyo sambayang giu' ra Baloi ru Tuhan pinatalimpuun saguli'.

2 TUNUNG RU BANSA' ISRAIL 7:7

Patimpokon ru Raja' Salomo tampilon ra tatanga' ru liliut, iono giu' ra intok tampilon ra saang ru Baloi ru Tuhan. Giu' no nampataak io ra taak simbalui koson mapabansuk ra guang ru Tuhan, taak simbalui kaunaran, am lomok ru bibiag intor ra taak simbalui koson makibarakat ra Tuhan. Nampataak raja' ra ngaangai' no ra giu' no sabap ra altar gangsa' ondo' binaal nano boborok kaga' koson ra ngaangai' ru taak simbalui no.

KAINGKUALAN 29:13

Mopongo raginio, alapon ngaangai' lomok ru kalabuat ru sapi' no, am tampilon moonsoi kaga' ra angkayau, am karuruo bubua' am lomok no; ngaangai' no solobon ra rasawat ru altar koson pataakon Raki'.

KAINGKUALAN 29:22

“Alapon lomok ru domba gawayan no, iku' ondo' mokolomok, lomok ru kalabuat, tampilon moonsoi kaga' ra angkayau, karuruo bubua' am lomok no, am niayuk paa ru domba ra pamiris.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

IMAMAT 17:6

Musiti' pawason ru imam raraa' ru bibiag no ra sapapa'-sapapa' ru altar giu' ra saang ru kulobon ru Kim, am monolob ra lomok ru bibiag no maa' raginio owou no mapabansuk ra guang ru Tuhan.

IMAMAT 4:26

Musiti' io monolob ra ngaangai' lomok ru kambing no giu' ra rasawat ru altar, koson ra io monolob ra lomok ru bibiag ondo' simbaluyon tayar ru taak simbalui koson makibarakat ra Tuhan. Koon raginio ralan ru imam mapataak ra taak simbalui koson mangampun ra tula ru sangulun tingganai, am ampunon boo tingganai no ru Tuhan.

IMAMAT 4:31

Musiti' io boo mapasuai ra ngaangai' lomok ru kambing no, koson ra io napasuai ra lomok ru bibiag tayar ru taak simbalui koson makibarakat ra Tuhan. Kopongo raginio, musiti' io monolob ra lomok no ra giu' rasawat ru altar. Owou ru taak simbalui no mapabansuk ra guang ru Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 8:25

Alap i Musa ra lomok ru domba no, am niayuk iku' ondo' mokolomok, lomok ondo' nokolopot ra kalabuat no, tayar ra moonsoi kaga' intor ra angkayau no, angkawa' pabayaan ra lomok no am paa ra pamiris ru domba no.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

MATIUS 22:37

Taam i Jisus, “ ‘Tagami' noyo i Aki Kapuuno' Tuhan muno ra totopot ru guang, kaayagan am pangkaraan muno.’