IMAMAT 3:13 - Tanou Moonsoi Timugon

¹³ Musiti' io mapabanta' ra kalindu' nano ra rasawat ru ulu ru kambing no, am simbaluyon ginio ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 3:13 ပူးပေါင်းရင်းမြစ်များ

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

IMAMAT 1:4

Musiti' ulun no mapabanta' ra kalindu' nano ra tampak ru ulu ru sapi' no maa' raginio taak nano apuon ru Tuhan koson taak simbalui koson mangampun ra tula nano.

IMAMAT 3:12

Amon ru mapataak sasangulun ra sanginan kambing, musiti' io magibit ra kambing no ra Kim ru Tuhan.

IMAMAT 3:14

am pataakon tayar ragitio intor ra kambing no koson taak ra akanon ra Tuhan: Ngaangai' lomok ondo' nokolopot ra kalabuat,

IMAMAT 3:8

Musiti' io mapabanta' ra kalindu' nano ra rasawat ru ulu ru domba no am simbaluyon boo ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.