IMAMAT 3:1 - Tanou Moonsoi Timugon

¹ Paat ra sasangulun mapataak sanginan intor ra sapi' nano koson taak simbalui koson makibarakat ra Tuhan, sapi' no gawayan kapoam ruandu', kaa' kalo najamaran no.

IMAMAT 3:1 ပူးပေါင်းရင်းမြစ်များ

1 TUNUNG RU BANSA' ISRAIL 21:26

Nambaal Raja' Daut rondo' altar ru Tuhan ra giu' no, am nampataak ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Io pana pakiasi' boo am nangiou Tuhan ra pakiasian nano ra namparatu' ra apui intor ra limbowon koson monolob ra taak-taak simbalui raginio giu' ra rasawat ru altar no.

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

AMSAL 7:14

“Orou raiti' napataak aku ra taak simbalui, am ragino mokoondo' poyo suwo intor ra taak simbalui no.

YEHEZKIEL 43:27

Mopongo saminggu', imam-imam no musiti' tumalimpuun mampataak ra taak simbalui koson mapabansuk ra guang Kuno am taak simbalui koson makibarakat Raki', giu' ra rasawat ru altar ra tayar ru ulun. Bagu no iowon Ku akau ngaangai'. Aku, Tuhan Raja' nakaindagu noyo.”

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 17:5

Susuban ragitio makaarati' ra intor paat raginio, musiti' ulun ru Israil magibit ra ngaangai' bibiag ondo' masaga' pataakon giu' Kim ru Tuhan; ragili kaindalaman no simbaluyon bibiag no giu' ra tana' malimparang. Musiti' ulun ru Israil magibit ra bibiag no ra imam giu' ra saang ru Kim ru Tuhan, am simbaluyon ginio ra giu' no tayar ru taak simbalui koson makibarakat ra Tuhan.

IMAMAT 3:6

Amon ru domba kapoam kambing ondo' pataakon ra tayar ru taak simbalui koson makibarakat ra Tuhan, bibiag no gawayan kapoam ruandu', kaa' kalo najamaran no.

IMAMAT 9:18

Panimbalui i Arun ra sanginan sapi' gawayan am sanginan domba gawayan koson ra taak simbalui koson makibarakat ra Tuhan tayar ru ulun ru Israil. Anak-anak ri Arun no nagibit ra raraa' no riso am pawaso' ri Arun ginio ra kaapat-apat sapapa' ru altar.

IMAMAT 9:4

Papataak niayuk ra sanginan sapi' gawayan am sanginan domba gawayan tayar ru taak simbalui koson makibarakat ra Tuhan. Musiti' ilo mapataak ra karuruo bibiag no ra Tuhan mabaya' ra taak simbalui koson paringkuanangan, iono taak ondo' latakin ra umau. Musiti' nilo baalon ngaangai' no sabap ra paat ra orou raiti' mintalang Tuhan risilo.”

AMOS 5:22

Paat ra akau mampataak ra taak simbalui koson mapabansuk ra guang ru Tuhan am taak simbalui koson ragu paringkuanangan Raki', kalo apuon Ku. Kalo apuon Ku bibiag tinambiag ondo' molomok, ondo' pataakon min koson ra taak simbalui koson makibarakat Raki'.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MALIAKI 1:8

Paat ra akau mampataak ra bibiag ondo' bolou, ondo' marualan, kapoam ondo' kimpo' koson ra taak ra tayar Kuno, kalo kia baal raginio makasala? Kinami' pataako' bibiag koson raginio ra gabenor! Maansayan io kia ramuyun, am pamakuan ramuyun moonsoi kia?”

UNTABAN 15:8

Paat ra sanginan sapi' gawayan pataakon ra Tuhan tayar ru taak simbalui koson mapabansuk ra guang ru Tuhan, kapoam tayar ru taak simbalui koson manugut ra nazar, kapoam tayar ru taak simbalui koson makibarakat ra Tuhan,

UNTABAN 6:14

am mapataak ra talu ngainan bibiag ondo' kalo najamaran no ra Tuhan: Sanginan anak domba gawayan ondo' umur no sambilor tayar ra taak simbalui koson mapabansuk ra guang ru Tuhan, sanginan anak domba ruandu' umur no sambilor tayar ru taak simbalui koson mangampun ra tula, am sanginan anak domba gawayan koson taak simbalui koson makibarakat ra Tuhan.

SAGULION 12:27

Giu' no pataako' noyo taak simbalui koson mapabansuk ra guang ru Tuhan, giu' rasawat ru altar ru Tuhan. Pataako' niayuk taak simbalui ondo' kual no akanon min, am pasasaro' raraa' nano ra rasawat ru altar.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

TINGGANAI RU BANSA' 20:26

Igondo' poyo ulun ru Israil minongoi ra Bitil am nantangi' ra saang ru Tuhan. Nampali ilo ra giu' no saboi ra rondom. Napataak ilo ra taak simbalui koson makibarakat ra Tuhan am taak simbalui koson mapabansuk ra guang ru Tuhan.

TINGGANAI RU BANSA' 21:4

Suabon no ra iosusuab, nambaal ilo ra rondo' altar ra giu' no. Napataak ilo ra taak simbalui koson mapabansuk ra guang ru Tuhan am taak simbalui koson makibarakat ra Tuhan.