IMAMAT 27:9 - Tanou Moonsoi Timugon

⁹ Amon ru gogoton no intor ra bibiag ondo' maapu koson ra taak ra Tuhan, am moonong taak ondo' pataakon ra Tuhan masauk ra Tuhan tatangan.

IMAMAT 27:9 ပူးပေါင်းရင်းမြစ်များ

AMSAL 20:25

Karaa' noyo toojo ra kalo poyo mangiou kau ra bantu' ri Aki Kapuuno' ra taak simbalui maa' raginio kalo pansagulian guang min.

MAMPATANOU 5:6

Kalo untobon ra mapara' suang ru guangon muli, kapoam mapara' suang ru pirot muli ondo' kolondo' onong, kapoam mapara' suang ru ragu muli, musiti' okou magulayun malaa' ri Aki Kapuuno'.

YEHEZKIEL 48:14

Tana' linuntuk ra Tuhan iono tana' ondo' moonsoi kaga' giu' ra titikop pagun. Sandangou pana intor ra tana' no kalo iowon talanon, aligin kapoam pabandingon ra ulun bokon, sabap ra tana' no matulai am longgom ru Tuhan.

IMAMAT 27:10

Ulun ondo' mokoondo' gogoton no kalo pangaligon raginio ra bibiag ra bokon. Amon ru baalon no ginio, karuruo ngainan bibiag no masauk ra Tuhan tatangan.

IMAMAT 27:8

Amon ru ulun ra mokoondo' gogoton no kalo makabayar ra logo ondo' inaru', musiti' io magibit ra ulun ondo' pataakon ra Tuhan no ra imam, am imam no mapatuun ra logo maya' ra mabayaran ru ulun no.

IMAMAT 5:15

Amon ru kalo singonon ru sasangulun mambaal ra tula sabap ra kalo nakasugut manaak ra tayar ra taak ondo' inaru' ra tayar ru Tuhan, musiti' ulun no magibit ra taak simbalui koson mambayar ra kalubatan ra Tuhan. Taak simbalui no musiti' sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' giu' ra Kim ru Tuhan.

MATIUS 15:5

Kaa' mangila' kau ra amon ru sasangulun no mokoondo' ra kuliamos ondo' sotopot no makapangindangan ra ama' am ina' nano, kaa' mindagu boo ulun no, ‘Pinataakan ku noyo gitio ri Aki Kapuuno',’