IMAMAT 27:28 - Tanou Moonsoi Timugon

²⁸ Kolondo' sangulun pana makapantalan kapoam mamuli' ra atan ondo' patimpokon ra kolondo' syarat koson ra Tuhan, ondo' kia ulun, bibiag kapoam tana'. Ngaangai' no masauk ra Tuhan tatangan ra sabubuoi no.

IMAMAT 27:28 ပူးပေါင်းရင်းမြစ်များ

2 TUNUNG RU BANSA' ISRAIL 31:14

I Kori anak ri Jimna, sangulun Liwi ondo' ragili nasauk ra tingganai magalung giu' ra Kulobon Garabang Sirangon Baloi ru Tuhan, pinangandoi mangapu ra taak ondo' pinataak ra Tuhan am niayuk mantatayar raginio.

KAINGKUALAN 22:20

“Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

YEHEZKIEL 44:29

Taak simbalui koson paringkuanangan ra Tuhan, taak simbalui koson mangampun ra tula, am taak simbalui koson mambayar ra kalubatan, masauk ra akanon ru imam. Musiti' ilo mangapu ra atan ayuk giu' ra Israil, ondo' pataakon Raki', koson ra tayar nilo.

YEHEZKIEL 48:14

Tana' linuntuk ra Tuhan iono tana' ondo' moonsoi kaga' giu' ra titikop pagun. Sandangou pana intor ra tana' no kalo iowon talanon, aligin kapoam pabandingon ra ulun bokon, sabap ra tana' no matulai am longgom ru Tuhan.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 27:21

Paat ra Bilor Papasagulian ra matong no, tana' no masauk ra Tuhan tatangan ra mantilayun, am tana' no pataakon ra imam-imam.

IMAMAT 27:27

Kaa' anak kasaa' ru bibiag majamol mapuli' sumugut ra logo ondo' inaru' giu' ra Kim ru Tuhan, ruangin ra ruo ngoopor piatus. Amon ru kalo pulion, matalan bibiag no ra ulun bokon sumugut ra logo ondo' inaru' giu' ra Kim ru Tuhan.

IMAMAT 27:29

Iou pana ra ulun ondo' pinatimpok noyo ra kolondo' syarat tayar ru Tuhan, kalo maalap kapuli'; musiti' potoyon ulun no.

UNTABAN 18:14

Ngaangai' no giu' ra tana' Israil ondo' patimpokon noyo Raki', masauk ra okou tatangan.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

SAGULION 7:26

Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

JOSUA 6:26

Paat raginio napatanou i Josua ra pangkaraan ragitio, “Osoi ondo' kuminam mambaal saguli' ra bandar Jiriko ulason ru Tuhan. Osoi ondo' mapabanta' ra batu maatang no matatakan ra anak katuaan. Osoi ondo' mambaal ra kulobon garabang no matatakan ra anak pupusan.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.

TINGGANAI RU BANSA' 21:11

Potoyo' ngaangai' ungkuyon am moonong ruandu' ondo' sala' ka ralaa.”

TINGGANAI RU BANSA' 21:18

kaa' kalo mangiou takau ra anak ruandu' takau pawatin risilo, sabap ra nakapagulas takau noyo ra osoi ayuk ondo' mangiou ra ulun ru Binjamin maguot ra anak ruandu' takau.”

TINGGANAI RU BANSA' 21:5

Pangkuot ilo boo, “Mokoondo' kia bansa'-bansa' ra gino ngai' ru ulun ru Israil ondo' kalo maya' sambayang ra Tuhan giu' ra Mijpa ragili?” (Nakapagibot noyo ulun ru Israil ra osoi kalo mongoi ra Mijpa paat raginio musiti' ukumin ra potoyon).

1 SAMUIL 15:18

am nanusub Io noyo rirun koson namatoi ra ulun ru Amalik ondo' malaat. Okou sinusub No mangayou manggal risilo saboi pinatoi ilo ngaangai'.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”