IMAMAT 27:13 - Tanou Moonsoi Timugon

¹³ Amon ru makaguang ulun no mamuli' ra bibiag no, musiti' io mambayar ra logo no ruangin ruo ngoopor piatus.

IMAMAT 27:13 ပူးပေါင်းရင်းမြစ်များ

IMAMAT 22:14

“Amon ru sangulun ondo' sala' ka sasambaloi ru imam, am kalo singonon nangakan ra taak ondo' palilion ayuk, musiti' io mangani' saguli' ra imam no ra ondo' nogondo' suang no, ruangin poyo ra ruo ngoopor piatus.

IMAMAT 27:10

Ulun ondo' mokoondo' gogoton no kalo pangaligon raginio ra bibiag ra bokon. Amon ru baalon no ginio, karuruo ngainan bibiag no masauk ra Tuhan tatangan.

IMAMAT 27:12

Aruon ru imam logo no maya' ra baal ru bibiag no, am ginio noyo logo inaru' toojo.

IMAMAT 27:14

Paat ra sasangulun mapataak ra baloi nano ra Tuhan, mangaru' imam ra logo no maya' ra baal ru baloi no, am ginio noyo logo magulayun.

IMAMAT 27:15

Amon ru makaguang ulun no mamuli' ra baloi nano, musiti' io mambayar ra logo no ruangin ra ruo ngoopor piatus.

IMAMAT 27:19

Amon ru makaguang ulun ondo' mapataak ra tana' no mamuli' raginio, musiti' io mambayar ra logo no ruangin ra ruo ngoopor piatus.

IMAMAT 27:27

Kaa' anak kasaa' ru bibiag majamol mapuli' sumugut ra logo ondo' inaru' giu' ra Kim ru Tuhan, ruangin ra ruo ngoopor piatus. Amon ru kalo pulion, matalan bibiag no ra ulun bokon sumugut ra logo ondo' inaru' giu' ra Kim ru Tuhan.

IMAMAT 5:16

Musiti' ulun no mambayar ra atan ondo' kalo nasugut nano ragili, ruangin poyo ra ruo ngoopor piatus. Musiti' io mapataak ra bibiag no ra imam. Pataakon boo bibiag no ru imam koson ra taak simbalui koson mangampun ra tula ru ulun no, am ampunon boo ulun no ru Tuhan.