IMAMAT 26:6 - Tanou Moonsoi Timugon

⁶ “Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

IMAMAT 26:6 ပူးပေါင်းရင်းမြစ်များ

2 RAJA'-RAJA' 2:24

Likar i Ilisa, ponontong ra lalaing-lalaing no, am pagulas risilo ralalom inggalan ru Tuhan. Kopongo raginio ruo ngainan baawang ruandu' miningkual intor ra kataunan am bibinsango' inan ru apat ngoopor am ruo ngaulun intor ra lalaing-lalaing no.

1 TUNUNG RU BANSA' ISRAIL 22:9

Kabalu' pana raginio binantu' No noyo raki'. Ragu Nano, ‘Mokoondo' kou ra sangulun anak ungkuyon, am mamarinta io ra matanda' sabap ra mangindangan Aku riso saboi kolondo' pantula' ondo' mangayou riso. Inggalanin io ri Salomo, sabap paat ra pamarintaan nano, baalon Ku Israil ra moonsoi am mamimio.

2 TUNUNG RU BANSA' ISRAIL 20:30

Koon raginio noyo Raja' Josapat nakapamarinta ra kaansayan, am nangani' i Aki Kapuuno' ra Raja' Josapat ra kamiaan giu' ra titikop ru pagun.

AYUP 11:19

Kalo malaa' kou ra pantula'; masuang ulun makiindangan rirun.

AYUP 5:23

Umo ondo' raduon muno kolondo' batu, am bibiag masigo kalo mamulunsar rirun.

MAZMUR 144:14

Gama' ru sapi' takano pana mansayat, ra kolondo' pana matatak kapoam mairuan. Gama' ru kolondo' tinangian ra naimbolo' ondo' maining ra ralan-ralan ru bandar takau.

MAZMUR 147:14

Magalung Io ra kaansayan ru pagun muno am basugon kou ra gandum ra moonsoi kaga'.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 3:5

Mampiau aku ra Tuhan koson makiindangan, am intor ra bulur Nano ondo' matulai, taamon No aku.

MAZMUR 4:8

Okou nambaal ra guang kuno naansukan kaga' intor ra ulun ondo' nalabaan ra akanon am inumon.

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

KAINGKUALAN 23:29

Kalo pagiruon Ku ilo ngaangai' ra buoi ru sambilor, sabap ra baal ragitio makasauk ra tana' no mokoloso am bibiag masigo sumuang kaga'.

AMSAL 3:24

Kolondo' kalaa' muno ra okou mombolong, am makalunus kou mombolong saboi tumawang.

AMSAL 6:22

Pangilaan nilono manulu' ra pangkiralanan mino, mangampin ramuyun bulintok ra molondom, maminson ra bilin ramuyun bulintok ra matawang.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 35:9

Giu' no kolondo' boo singa', kapoam bibiag masangit ra bokon no. Ulun ondo' binayag ru Tuhan, muli' mansail ra ralan raginio.

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 31:26

Paat raginio mindagu ulun, ‘Mopongo mokororot, maikang aku.’

YEHEZKIEL 14:15

“Kapoam maaru' lair porotongon Ku bibiag masigo koson mamatoi ra ulun saboi pagun no nasauk ra makalalaa' kaga' am ulun kalo makasail ra giu'.

YEHEZKIEL 14:17

“Kapoam maaru' lair porotongon Ku pangayawan ra pagun ti am mangator ra kinandoi koson mamuso ra ulun am poyo bibiag.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 34:25

Makimabantu' Aku risilo ondo' makapamayag risilo. Unjawon Ku ngaangai' bibiag masigo intor ra pagun no, maa' raginio domba-domba Kuno maayag ra matanda' giu' ra padang am mombolong giu' ra kataunan.

YEHEZKIEL 34:27

Puun ru tataun mangkawa', umo mangingkual ra ampos, am moonong ulun mayan ra moonsoi giu' ra tana' nano galama'. Paat ra Aku mangukat ra nakabangkil ra ulun Kuno am mampalabus risilo intor ra bansa' ondo' nangulipon risilo, bagu no makapandai ilo ra Aku noyo Tuhan.

YEHEZKIEL 5:17

Porotongon Ku maruol tumapik, pampatayan am pangayawan koson mamatoi ra mamagun muno. Porotongon Ku bitilan am niayuk bibiag masigo koson mamatoi ra anak-anak nilo. Aku, Tuhan nakaindagu noyo.”

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

GOSIA 2:20

Paat raginio, taamon Ku pakiasian-pakiasian ru ulun Kuno Israil. Paratuon Ku rasam ra rasawat ru tana', am tana' manangampos ra gandum, anggur am jaitun.

IMAMAT 25:18

Gagayaa' ngaangai' ukum am susuban ru Tuhan maa' raginio maayag kau ra namio-mio giu' ra pagun no.

IMAMAT 25:19

Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

IMAMAT 26:7

Maala min pantula' mino;

MIKA 4:4

Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

AGAI 2:9

Baloi Kuno ondo' bagu maindon poyo intor ragili, am giu' no panganian Ku ra ulun Kuno ra kalangkayaan am kaansayan.” Ginio noyo ragu ru Tuhan Ondo' Maayo Kaga' Kuasa'.

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

RINALATAN 12:6

Iorondom ra kalo poyo pamisaraan ri Pitrus ra saang ru ulun masuang, nombolong io ra tatanga' ra ruo ngaulun saujor am karuruo kalindu' nali binangkil ra rantai. Giu' ra kulobon ru lamin pangaputan mokoondo' niayuk saujor ra bokon magalung ra pangaputan i.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.