IMAMAT 26:5 - Tanou Moonsoi Timugon

⁵ Ampos ru tatanom mino masuang kaga' saboi lakat poyo mangkumos kau ra gandum paat pangupuan ra kawa' ru anggur, am lakat poyo mangupu' kau ra kawa' ru anggur paat pantanaman ra gandum. Mokoowot kau ra akanon ondo' maukop, am maayag mamio-mio giu' ra pagun mino.

IMAMAT 26:5 ပူးပေါင်းရင်းမြစ်များ

MAZMUR 144:13

Gama' ru kalukub takano napanu' ra nansalinut ampos ru kandoi ra tana' ti. Gama' ru domba giu' ra umo takau mansasayat saboi kaaparan ribu suang nano.

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

AMSAL 1:33

Kaa' osoi mangkirongog raki' io maayag. Kaayagan nano moonsoi am kalo pana malaa'.”

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

GOSIA 2:20

Paat raginio, taamon Ku pakiasian-pakiasian ru ulun Kuno Israil. Paratuon Ku rasam ra rasawat ru tana', am tana' manangampos ra gandum, anggur am jaitun.

JOIL 2:19

Tumaam Io risilo, “Raino masaga' Aku mangani' ramuyun ra gandum, wain am umau jaitun, am basugon kau. Bansa'-bansa' ra bokon kalo boo magasab ramuyun.

JOIL 2:22

Akau bibiag, pai' kalaa', sabap ra padang sakot raino masansam, puun mangkawa', am kawa' ru ara am niayuk kawa' ru anggur pana masuang.

JOIL 2:26

Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

AMOS 9:13

Indagu Tuhan, “Masaboi paat nano, paat gandum tumuu' ra mataki' saboi bulintok mangkumos kolondo' pupus nano. Puun ru anggur tumuu' ra mataki' kaga' gumayo saboi mambaal ra wain kalo lumonggo'. Wain ra matamis momosok intor ra kagunungan, am tumilis intor ra kabuluran.

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

SAGULION 11:15

am sakot tayar ru bibiag tinambiag min. Makaalap kau ra ngaangai' akanon ondo' kasagaan min.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.