IMAMAT 26:44 - Tanou Moonsoi Timugon

⁴⁴ Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

IMAMAT 26:44 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

2 RAJA'-RAJA' 13:23

Kaa' moonsoi guang ru Tuhan ra ulun ru Israil am makaasi' Io risilo. Kalo mopoloso Io ra ulun ru Israil pusoon. Mangindangan Io risilo sabap ra nabantuan Nano am i Abragam, i Isak am i Jakub. Kalo igondo' Tuhan nampalilian ra ulun Nano.

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

MAZMUR 103:13

Koson ra sangulun ama' makaasi' ra ngaangai' anak nano, ginio niayuk Tuhan makaasi' ra ulun ondo' mangurumat Riso.

MAZMUR 89:33

ukumin Ku ilo sabap ra tula nilo, am mangkinibit ra ilo maimbolo' sabap ra nasalaan nilo.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 24:5

“Aku, Tuhan, i Aki Kapuuno' ru Israil nangkara' ra ulun ondo' inaut pinoongoi ra Babilonia no koson ra kawa' ru ara ondo' moonsoi ti, am moonsoi pamakuan Kuno risilo.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

YEHEZKIEL 16:60

Kaa' suguton Ku nabantuan ondo' binaal Kuno rirun paat ra okou mamulok ayuk poyo. Baalon Ku nabantuan ondo' masauk ra sabuoi-buoi no rirun.

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

ROMA 11:2

Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

ROMA 11:26

Koson raginio ngaangai' ulun ru Israil bayagon. Tinulisan noyo ra Buuk kitab; “Intor ra bandar Sion matong Mamamayag no, mangiru' Io ra ngaangai' kalaatan ru papag ri Jakub.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.