IMAMAT 26:42 - Tanou Moonsoi Timugon

⁴² mangkara' Aku ra nabantuan Kuli ri Jakub, i Isak am i Abragam. Manalimbagu Aku ra bantu' Kuno koson manaak ra pagun no ra ulun Kuno.

IMAMAT 26:42 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 26:2

Intalang Tuhan riso am indagu, “Pai' ongoi ra pagun ru Misir, ayan ayuk ra pagun tuluon Kuno rirun.

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:5

Barakaton Tokou, sabap giminagaya' i Abragam Raki' am binaya' no ngaangai' ukum am susuban Kuno.”

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 35:12

Pagun ra nakataak Ku noyo ri Abragam am i Isak, pataakon Ku rirun am ra papag muno.”

KASAUKAN 9:16

Paat makito bulintung no ra gaun no, makito Ku am mangkara' Aku ra nabantuan mantilayun Kuli am ngaangai' ondo' maayag ra tana' ti.

ESTER 4:14

Amon ru mongkoror kou ayuk ra koon ragitio baal ti, maaru' ulun ru Jaudi makaapu ra indangan intor ra suruga' am bayagon ilo, kaa' okou galama' matoi am sasambaloi ru ama' muno maluus. Osoi makapandai, maaru' lair koson ra bulintok ragitio noyo okou pinili' masauk ra andu' ru raja'!”

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 136:23

Kalo mampalilian Io ritakau bulintok ra itakau kalaan; togom Nano mantilayun.

KAINGKUALAN 2:24

Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub.

KAINGKUALAN 6:5

Naining ku noyo laa ru ulun ru Israil ondo' inulipon ru ulun ru Misir am nakara' Ku boo bantu' Kuli.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

YEHEZKIEL 16:60

Kaa' suguton Ku nabantuan ondo' binaal Kuno rirun paat ra okou mamulok ayuk poyo. Baalon Ku nabantuan ondo' masauk ra sabuoi-buoi no rirun.

JOIL 2:18

Tuhan pana nanulu' ra Io mampalio ra tana' Nano; makaasi' Io ra ulun Nano.

LUKAS 1:72

Koson mampakito ra asi' Nano ra kinamatuaan takali am suguton No bantu' Nali ra matulai i.

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

SAGULION 9:27

Karaa' noyo ulipon muno i Abragam, i Isak am i Jakub. Pai' lioo' bambalingatan, kalaatan am tula ru ulun ragitio.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.