IMAMAT 26:4 - Tanou Moonsoi Timugon

⁴ mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

IMAMAT 26:4 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

AYUP 5:10

Rinasam No tana' am nanguas ra umo saboi maasa'.

MAZMUR 104:13

Intor ra limbowon paratuon Mu rasam no ra gunung, tana' ti natikop ra barakat Muno.

MAZMUR 67:6

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

MAZMUR 67:7

Tana' napaingkual ra ampos no; i Aki Kapuuno', i Aki Kapuuno' takau, nambarakat noyo ritakau.

MAZMUR 68:9

tana' ti mapuyu' am limbowon maparatu' ra rasam, sabap ra saang Muno, minindagu i Aki Kapuuno' giu' ra Sinai, saang ri Aki Kapuuno' ru ulun ru Israil.

MAZMUR 85:12

Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

MAZMUR 85:13

Saukon takau ru Tuhan ra lumangkaya', am tana' takau mapaingkual ra ampos masuang.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

YEHEZKIEL 36:30

Ruangin Ku ampos ru puun kinawa' am ampos ru umo mino, maa' raginio kolondo' boo bitilan ondo' mampauyu' ramuyun ra gino ngai' ru bansa'-bansa'.

JOIL 2:22

Akau bibiag, pai' kalaa', sabap ra padang sakot raino masansam, puun mangkawa', am kawa' ru ara am niayuk kawa' ru anggur pana masuang.

IMAMAT 25:19

Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 25:21

Barakaton ru Tuhan tana' no ra bilor koonom, saboi manangampos ra akanon maukop buoi talu ngambilor.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 11:14

Amon ru mambaal kau koson raginio, mamparatu' Io ra rasam ra tana' min ra bulintok nano, bulintok mopongo mangkumos am bulintok tumalimpuun mantanom. Koson raginio boo mokoondo' kau ra gandum, wain, umau jaitun,

SAGULION 28:12

Tuhan mamparatu' ra rasam ra bulintok nano intor ra intok pambulian ra rasam giu' ra limbowon; mambarakat Io ra ngaangai' kandoi min maa' raginio makapapaira' kau ra masuang bansa', kaa' akau galama' kalo boo magira' ra atan pana intor ra osoi pana.

JAKUBUS 5:7

Sabap raginio, pabukat kau ngai', kataan kano saboi Tuhan no matong saguli'. Karaa' min noyo sangulun nanangumo; ati koson guang mataan nano ra io maginaa ra ampos ondo' lansanin nati toojo. Mabaya' ra guang mataan maginaa io ayuk ra rasam.

PINAINTALANG 11:6

Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.