IMAMAT 26:38 - Tanou Moonsoi Timugon

³⁸ Matoi kau ralalom pamatiran, am lobongon giu' ra pagun ru pantula'.

IMAMAT 26:38 ပူးပေါင်းရင်းမြစ်များ

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JIRIMIA 22:12

Matoi io giu' ra pagun pamatiran, am kalo boo makakito io ra pagun ti.”

JIRIMIA 42:22

Ginio ra karaa' noyo: matoi kau ralalom pangayawan, kapoam sabap ra bitilan, kapoam maruol tumapik ra pagun ondo' kasagaan min mayan.”

IMAMAT 26:39

Santayaran boborok intor ramuyun ondo' lakat poyo maayag giu' ra pagun ru pantula' no maimbolo' sabap ra tula min galama' am tula ru kinamatuaan min.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”