IMAMAT 26:32 - Tanou Moonsoi Timugon

³² Mapalunsai Aku lingon ra pagun mino, saboi pantula' ondo' minayan ra pagun min maliangan magilong ra mapara' makalalaa' kalunsayan raginio.

IMAMAT 26:32 ပူးပေါင်းရင်းမြစ်များ

1 RAJA'-RAJA' 9:8

Baloi ti masauk ra tuntur ru nangalunsai saboi ra moonong ulun ondo' mansail ragiti maliangan am makasioro'. Mangkuot ilo, ‘Kua kia baalo' ru Tuhan koson raginio ra pagun am Baloi ti?’

JISAYA 24:1

Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JISAYA 5:9

Makaining aku ra Tuhan Ondo' Maayo Kaga' Kuasa' mindagu, “Ngaangai' baloi ondo' maayo am moonsoi ti kalo ayanin am kolondo' mangayan.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JISAYA 64:10

Bandar-bandar Muno ra matulai masauk koson ra tana' kaagisan. Jirusalim masauk ra naluyuan am nasisiluk ayuk

JIRIMIA 12:11

Sinauk nilo ginio ra tana' ondo' kolondo' tutuu'; nokoloso ra saang Kuno. Titikop pagun nasauk ra tana' kaagisan, am kolondo' osoi pana mampalio raginio.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 19:8

Palumpaan Ku karaat makalalaa' ra bandar ti saboi moonong ulun ondo' mansail ragiti makatigog am malaa'.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 25:18

Jirusalim am ngaangai' bandar giu' ra Jiuda, nababaya' ra raja'-raja' am tingganai-tingganai nilo, sinusub manginum intor ra sangkir no saboi ra ilo nasauk ra tana' kaagisan ondo' makalalaa'. Pakuan ra inggalan nilo koson ra ulas, koson ondo' nasauk saboi ra orou raiti'.

JIRIMIA 25:38

Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

SULABOI 4:12

Gino ngai' ru raja'-raja' am mamagun ru tana' ti kolondo' sangulun pana ondo' mangintopot ra kulobon garabang ru Jirusalim nasubol ru pantula'.

SULABOI 5:18

sabap ra Bulur Sion masiluk am iniruanan, uku' kataunan salilitau giu' ra nalunsai no.

YEHEZKIEL 5:15

“Paat ra Aku sumangit am lumasu' guang, ukumin Tokou, saboi ra ngaangai' bansa' ra liput muno malaa'. Magasab am mangiis ilo rirun.

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

DANIL 9:2

Paat ra bilor kasaa' ra pamarintaan nano, nambasa' aku ra buuk kitab. Nampaguang aku toojo ra baal ru bandar Jirusalim ondo' nasauk ra tuntur nalunsai buoi tulu' ngoopor ngambilor, koson ondo' rinagu ru Tuhan ri Nabi Jirimia.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

LUKAS 21:20

“Amon ru makito min bandar Jirusalim limpuin ru saujor, matutunan min boo ra lunsayon io ra maagu no.

SAGULION 28:37

Giu' ra pagun-pagun intok napatuliaran ru Tuhan ramuyun, makatigog ulun magilong ra baal ondo' nasauk ramuyun. Magagasab am manauyu' ilo ramuyun.