IMAMAT 26:30 - Tanou Moonsoi Timugon

³⁰ Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

IMAMAT 26:30 ပူးပေါင်းရင်းမြစ်များ

KASAUKAN 19:13

Sabap pusoon mai intok ragitio. Nakaining noyo Tuhan ra panguwan ra maagat kaga' ra mamagun ru giti am nangator Io ramon mongoi pamuso ra bandar Sodom.”

1 RAJA'-RAJA' 13:2

Sumugut ra susuban ru Tuhan, golok nabi no ra altar no, “Okou altar, altar, koon raginio noyo ragu ru Tuhan: Sangulun anak ondo' inggalan no ri Josia anakon ralalom ru sasambaloi ru Raja' Daut. Okou altar, giu' ra rasawat muno, manimbalui io ra imam-imam ondo' mangandoi ra intok sambaan ra sinungkalalaing, am ondo' mampataak ra taak simbalui ra rasawat muno. Monolob io ra bungul-bungul ru ulun ra rasawat muno.”

1 RAJA'-RAJA' 13:32

Ragu ru Tuhan ondo' pinasaboi nano ra altar giu' ra Bitil no am ngaangai' intok sambayangan giu' ra bandar-bandar ru Samaria maaru' masauk.”

2 RAJA'-RAJA' 23:16

Kopongo raginio nampulolou Raja' Josia ra liliut nano am nakakito ra kukula' lobong giu' ra rasawat ru bulur. Kinali no lobong-lobong raginio, am nangingkual am nonolob ra bungul intor ra lobong-lobong raginio, giu' ra rasawat ru altar. Ginii noyo binaal ru Raja' Josia nampajamol ra altar no. Koon raginio noyo ragu inala' ru sangulun nabi paat ra pangiantakan, bulintok Raja' Jirobiam miningor mamaar ra altar no. Nampulolou poyo Raja' Josia ra liliut nano, am nakakito ra rondo' lobong ra bokon.

2 RAJA'-RAJA' 23:20

Pinatoi ru Raja' Josia ngaangai' imam ondo' nangandoi giu' ra intok sambaan ra dewa no giu' rasawat ru altar-altar nilo galama'. Io niayuk nonolob ra bungul ru ulun giu' ra rasawat ru moonong altar. Kopongo raginio Raja' Josia siminaguli' ra Jirusalim.

2 RAJA'-RAJA' 23:8

Raja' Josia nagibit ra ngaangai' imam intor ra bandar-bandar giu' ra Jiuda minongoi ra Jirusalim, am giu' ra titikop ru pagun no jinamalan no altar-altar intok ru imam-imam mampataak ra taak simbalui. Nampalunsai io niayuk ra altar-altar ondo' mamaar ra kulobon garabang ondo' binaal ri Josua, gabenor ru bandar no. Kulobon garabang no giu' ra tampilon ru kait ra kulobon garabang maayo giu' ra ralan sumubol ra bandar.

2 TUNUNG RU BANSA' ISRAIL 23:17

Ilo pana subol boo ra ralalom ru kuil Baal am nampalunsai ra kuil no. Pinopol nilo ngaangai' altar am sinungkalalaing ra giu' no. Pinatoi nilo niayuk i Matan, imam Baal no giu' ra saang ru altar-altar ra giu' no.

2 TUNUNG RU BANSA' ISRAIL 31:1

Kopongo noyo pangiantakan no, ngaangai' ulun ru Israil minongoi ra moonong bandar giu' ra Jiuda. Pinuso nilo batu-batu pangkaraan sinungkalalaing am tatandu'-tatandu' ondo' patimpokon ra Dewi Asyira. Linunsai nilo altar-altar am intok-intok sambaan ra sinungkalalaing. Binaal nilo baal ra nogondo' giu' ra intok-intok ra bokon giu' ra Jiuda, am giu' ra wilayah Binjamin, Ipraim am niayuk Manasi. Kopongo raginio ilo ngaangai' minuli' ra intok ru sigagama'.

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 89:38

Karajaan nano mantilayun koson ra bulan, sasi' ra mampagagaya' giu' ra limbowon.”

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

YEHEZKIEL 16:39

Pataakon Tokou risilo, am lunsayon nilo intok-intok pantalanan muno ra inan am niayuk sumamba ra sinungkalalaing. Gaawon nilo bayang am limpor muno, saboi magibaang kou.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

YEHEZKIEL 6:13

Baangkai nilo makabanta' ra lolot ru sinungkalalaing am giu' ra liliut ru altar-altar, giu' ra rasawat ru moonong bulur ondo' masawat, giu' ra saau ru moonong puun tataun masansam am moonong puun tataun oak ondo' maayo, giu' ra moonong intok papataakan nilo ra taak simbalui ondo' sinolob ra sinungkalalaing nilo. Bagu no moonong ulun makapandai ra Aku noyo Tuhan.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

IMAMAT 20:23

Pai' tilu ra kaulayan ru bansa' ondo' namagun ra giu' no. Pagiruon Ku ilo maa' raginio makaumpos kau ra pagun no. Napajala' ilo Raki' sabap ra binaal nilo ondo' makauyuyu'.

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 7:9

Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.