IMAMAT 26:26 - Tanou Moonsoi Timugon

²⁶ Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

IMAMAT 26:26 ပူးပေါင်းရင်းမြစ်များ

2 RAJA'-RAJA' 6:25

Kinibit nano, bitilan ra makalalaa' nasauk giu' ra bandar raginio saboi rondo' ulu ru kaladai logo no 80 ngampila' ruit pirok am 200 ngagram tatai' ru susuit asang logo no 5 ngampila' ruit pirok.

MAZMUR 105:16

Bitilan pinaratong ri Aki Kapuuno' ra pagun nilono, am mangalap ra nansalinut akanon nilo.

JISAYA 3:1

Sotopot no, Tuhan Ondo' Maayo Kaga' Kuasa' no mangalap intor ra Jirusalim am Jiuda nansalinut inula' ra akanon am inumon am niayuk ngaangai' ulun ra lansanin nilono,

JISAYA 5:10

Puun-puun ru anggur ondo' timinuu' ra tana' ondo' kinapila' no mopor ngahektar, ampos no balu' ngalito wain ayuk. Maatus am balu' ngoopor ngalito sampug, ampos nano mopor am balu' ngalito gandum ayuk.”

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JISAYA 9:20

Namagun ra Manasi am namagun ra Ipraim mangayou ra rondo' am bokon, am mababaya' ilo mamulunsar ra Jiuda. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

YEHEZKIEL 14:13

“Okou ulun mapandai matoi, amon rondo' bansa' makatula am kalo gumagaya' Raki', ukumin Ku ilo am mamuso ra lutu' ru akanon nilo. Porotongon Ku bitilan am mamatoi ra ulun am niayuk bibiag.

YEHEZKIEL 4:10

Iowon kou mangakan ra 230 ngagram ruti' songorou, am akanon no musiti' maukop saboi ra orou susuab.

YEHEZKIEL 4:16

Indagu Io poyo, “Okou ulun mapandai matoi, langgain Ku mampalutu' ra ruti' koson ra Jirusalim. Mamagun ru bandar no magalabo am maimamang paat ra ilo manuku' ra akanon am timug inumon nilo.

YEHEZKIEL 4:17

Makayaan ilo ra ruti' am timug, malawo guang nilo, am pupus no matoi sabap ra tula nilo.”

YEHEZKIEL 5:16

Langgain Ku mampalutu' ra akanon rirun am polosoon mamagun muno mangaitilan. Makaliman kou ra mapari' ra maitilan koson ra anak panah malarom ondo' mamuso rirun.

GOSIA 4:10

Mangakan kau ra tayar intor ra taak-taak simbalui ondo' pinataak, kaa' marayus kau maitilan. Sambaan min dewa-dewa kalabungan, kaa' magulayun kau kalo makaalap ra anak. Ngaangai' no nasauk sabap ra nangiruan kano Raki' koson sumamba ra tuhan-tuhan ra bokon.”

IMAMAT 26:27

“Amon ru masauk noyo ngaangai' no, am lakat poyo manggal kau Raki' am marara' gumagaya' Raki',

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.