IMAMAT 26:25 - Tanou Moonsoi Timugon

²⁵ Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

IMAMAT 26:25 ပူးပေါင်းရင်းမြစ်များ

2 SAMUIL 24:15

Ginio ra pinaratong ru Tuhan maruol tumapik ra ulun ru Israil timinalimpuun ra tampilon susuab ra orou raginio saboi ra paat ondo' inaru' Nano. Suang 70,000 ngaulun minatoi giu' ra titikop ru Israil.

1 RAJA'-RAJA' 8:33

“Paat ra ulun Muno Israil kalaan ru pantula' sabap ra makatula ilo Rirun, am sumaguli' ilo Rirun am matong ra Baloi ti am niayuk makiasi' Rirun mabaya' ra minggana' guang am makiampun,

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

2 RAJA'-RAJA' 17:3

Paat raginio Raja' Salmanisir intor ra Asyur nangayou ra Raja' Gosia. Raja' Gosia nakiala ra Raja' Salmanisir am nambayar riso ra cukai ra moonong bilor.

2 TUNUNG RU BANSA' ISRAIL 24:24

Saujor ru Siria kalo maayo, kaa' nompoloso Tuhan risilo nangala ra saujor ru Jiuda ondo' maayo poyo, sabap ra mamagun ru Jiuda nangiruan noyo ra Tuhan, i Aki Kapuuno' ru kinamatuaan nilai. Ginio noyo ralan Raja' Joas ukumin.

MAZMUR 94:1

Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

KAINGKUALAN 5:3

Indagu i Musa am i Arun, “Minintalang noyo i Aki Kapuuno' ru ulun ru Ibrani no ramon. Iowo' akai noyo mongoi ra tana' kaagisan, ra galur talu ngoorou pangkiralanan mapataak ra taak simbalui ra Tuhan i Aki Kapuuno' mai ngai'. Amon ru kalo mambaal ragitio, mamatoi Io ramon ngaangai' ra maruol kapoam pangayawan.”

JISAYA 1:20

Kaa' amon ru manggal kau Raki', maaru' matoi kau. Aku, Tuhan minindagu noyo.”

JISAYA 65:12

Malarom patayan mino sabap ra akau kalo tumaam bulintok ra Aku mampiau, am kalo mangkirongog kau bulintok ra Aku mindagu. Singonon min kalo gumagaya' Raki' am singonon min mambaal ra malaat.

JIRIMIA 19:7

Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

JIRIMIA 24:10

Mamparatong Aku ra pangayawan, bitilan, maruol tumapik risilo saboi ra ngaangai' nilo matoi, am kolondo' ulun ondo' matatang ra pagun ondo' tinaakan Ku risilo am kinamatuaan nilo.”

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

YEHEZKIEL 14:17

“Kapoam maaru' lair porotongon Ku pangayawan ra pagun ti am mangator ra kinandoi koson mamuso ra ulun am poyo bibiag.

YEHEZKIEL 20:37

“Moporos pamakuan Kuno ramuyun maa' raginio gumagaya' kau ra nabantuan Kuno.

YEHEZKIEL 29:8

Ginio ra Aku, Tuhan Raja' mindagu ramuyun, ra porotongon Ku ulun koson mamulunsar ramuyun ra ilang. Mamatoi ilo ra mamagun am bibiag tinambiag min.

YEHEZKIEL 33:2

“Okou ulun mapandai matoi, balai' bansa' muno ra atan ondo' masauk paat ra Aku mamparatong ra pangayawan ra rorondo' pagun. Mamagun ru pagun no mampili' ra sangulun intor risilo koson ra magagalung.

YEHEZKIEL 5:17

Porotongon Ku maruol tumapik, pampatayan am pangayawan koson mamatoi ra mamagun muno. Porotongon Ku bitilan am niayuk bibiag masigo koson mamatoi ra anak-anak nilo. Aku, Tuhan nakaindagu noyo.”

YEHEZKIEL 6:3

Susubo' gunung-gunung ru Israil rumongog ra ragu ru Tuhan am magilong ra baal ondo' paraguon Kuno, Tuhan Raja' ra gunung, bulur, tana' marata' ra lolot ru gunung-gunung am limayak. Atarin Ku ilang koson mamuso ra intok-intok sumamba ra sinungkalalaing.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

ABAKUK 3:5

Nanusub Kou ra maruol magulu Rirun am nanusub ra kapatayan sumunu' Rirun.

UNTABAN 14:12

Maparatong Aku ra maruol am mamatoi risilo, kaa' mapasauk Aku rirun ra ama' ru rondo' bansa' ondo' maayo poyo am maikang poyo ka ilo!”

UNTABAN 16:49

Ulun minatoi paat raginio suang no 14,700 ngaulun, kalo nakaaya' ulun ondo' minatoi paat ra guor ri Kora.

UNTABAN 31:3

I Musa pana mindagu ra ulun ru Israil, “Tampos noyo ra mangayou. Bulunsaron ulun ru Midian am balasi' noyo kalaatan nilo ra Tuhan.

LUKAS 21:11

Masauk gonggon ru tana' ra makalalaa', bitilan am niayuk maruol ra ati ayuk. Giu' ra limbowon makito baal malaat am tatandu' ondo' makalalaa'.

SAGULION 28:21

Maparatong Io ra maruol-maruol ramuyun, saboi kolondo' sangulun pana ra popolos mino matatang ra tana' ondo' ayanin mino.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.

TINGGANAI RU BANSA' 15:11

Ginio ra minongoi talu ngaribu ngaulun Jiuda ra luang batu giu' ra bulur batu giu' ra Itam. Giu' no konilo ri Simson, “Kalo kia nakapandai kou ra nanguasa' ulun ru Palistin ritakau? Kua baalo' mu baal ragitio ramon?” Taam i Simson, “Aku pana mambalos ayuk ra binaal nilo.”