IMAMAT 26:20 - Tanou Moonsoi Timugon

²⁰ Ngaangai' pirot mino kolondo' onong, sabap ra tana' kalo manangampos am puun-puun kinawa' kalo mangkawa'.

IMAMAT 26:20 ပူးပေါင်းရင်းမြစ်များ

KASAUKAN 4:12

Amon ru mangkinam kou pana magitanom, tana' ti kalo mapasalula' ra ampos; masauk kou ra sangulun tumanggau ayuk am kolondo' intok muno ra tana' ti.”

1 RAJA'-RAJA' 18:2

I Ilia pana minugar. Bitilan giu' ra Samaria paat raginio ra najanjayan kaga',

AYUP 31:40

polosoon noyo ondo' tumuu' ra giu' no, alab am ruui, am sala' ka gandum kapoam barli.” Gini noyo ragu-ragu ri Ayup.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 17:11

Kabalu' pana tatanom raginio manalantar am mambusak bulintok ra orou nantanaman muno, kaa' kolondo' niayuk ampos no; ondo' soroi ayuk kapaganan am lugu ra kalo mapali'.

JISAYA 49:4

Kaa' mindagu aku, “Bagui kuno kolondo' ampos; kinai' ku ikang kuno ra namuta' ayuk!” Kaa' mangintopot aku ra saungon aku ru Tuhan; balasin aku ri Aki Kapuuno' sumugut ra binaal kuno.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

GOSIA 2:11

Pusoon Ku puun-puun ru anggur am puun-puun ru ara nano ondo' sumugut riso iono gaji' ru binaal nano ra ambai-ambai nano. Kulawon Ku umo ru anggur am umo ru ara nano masauk ra kataunan, am ngaangai' no pusoon ru bibiag masigo.

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

AGAI 2:16

Minongoi kau ilong ra tinuntur ra gandum am nangkara' ra makaalap 200 ngakilogram gandum, kaa' sotopot no mokoondo' 100 ngakilogram ayuk. Minongoi kau suuk ra 100 ngalito wain intor ra tuung ru wain, kaa' ondo' soroi 40 ngalito ayuk.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

GALATIA 4:11

Maimamang aku ramuyun ra ati lair ngaangai' atan ondo' pinirot kuno kondoyo' koson ramuyun, kolondo' onong?

SAGULION 11:17

Amon ru manggal kau ra ukum no, sumangit Tuhan ramuyun. Ompongon No rasam, am mapuaan kaga' tana' mino saboi tatanom kalo tumuu'. Mataki' kau boo matoi ra giu', kabalu' pana tana' ondo' tinaakan Nano ramuyun, tana' ra moonsoi.

SAGULION 28:18

“Kaulas noyo akau saboi sanganu ayuk anak min, ampos ru tatanom min sanganu am sapi' am niayuk domba min kalo masuang.

SAGULION 28:42

Ngaangai' puun am tatanom min akanon ru bibiag malumot.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.