IMAMAT 26:16 - Tanou Moonsoi Timugon

¹⁶ ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:16 ပူးပေါင်းရင်းမြစ်များ

AYUP 31:8

polosoon ayuk pana ulun ra bokon mangakan ra atan ondo' tiniasan kuno, am polosoon titikop ru tinanom kuno matutuk.

1 SAMUIL 2:33

Kaa' sangulun intor ra papag muno polosoon Ku maayag, am mangandoi io Raki' ra tayar ru imam. Kaa' moolou io am maayag ra malumpus guang. Ngaangai' ru papag muno ra bokon no potoyon ra moporos.

MIKA 6:15

Mantanom kou ra gandum, kaa' kalo makumos min. Mambaal kau ra umau intor ra kawa' ru jaitun, kaa' kalo mapakai min umau no. Mambaal kau ra wain, kaa' kalo mainum min ginio.

YEHEZKIEL 33:10

Indagu Tuhan raki', “Okou ulun mapandai matoi, rulio' noyo ragu-ragu ru ulun ru Israil risilo, ‘Nangkagas akai sabap ra nansaan akai ra bagat ru tula am kasalaan mai. Ati kulaan akai maayag?’

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

MAZMUR 78:33

Ginio ra binutus ri Aki Kapuuno' painawo nilono, am binukat No paminawaan nilono.

SAGULION 28:51

Mangalap ilo ra bibiag tinambiag am ampos ru tatanom min, kaa' matoi kau ra maitilan. Kalo manatang ilo ramuyun ra gandum, wain, umau jaitun, sapi' kapoam domba am matoi kau.

IBRANI 10:31

Aibui boo risilo ondo' akimin ri Aki Kapuuno' ondo' maayag no!

JAKARIA 14:12

Porotongon ru Tuhan maruol ondo' makalalaa' ra ngaangai' bansa' ondo' mangayou ra Jirusalim. Mato am rila' nilo, mulu' poyo ngaangai' inan nilo mootong liliwa' ilo lakat poyo maayag.

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

JIRIMIA 20:4

Tuhan galama' minindagu, ‘Saukon Tokou ra kalaanin ru inan muno galama' am rangan-rangan muno. Makakito kou risilo ngaangai' potoyon ru pantula' ra ilang. Polosoon Ku ngaangai' ulun ru Jiuda kuasaan ru raja' Babilonia; santayaran risilo auton koson ra ulun rinakop poongoyon ra pagun nano, am ilo ondo' kalo auton no potoyon.

JIRIMIA 15:8

Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 7:2

Bulintok ra raja' Jiuda nokorongog ra saujor ru Siria soroi ra libung ru Israil, raja' am ulun nano mangalaa' kaga' saboi monontol koson ra puun ru tataun mauyog ru angin.

MAZMUR 109:6

Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

MAZMUR 73:19

Sangkuliop ilo pinuso pupus nilono makalalaa' toojo.

AYUP 20:25

Anak panah mansabut ra inan nilo; pompor ru panah ondo' manguliat mopoposok ra raraa' nilo, am malaa' rumondon ra guang nilo.

AYUP 18:11

Makalalaa' mampatigog ra ulun malaat intor ra ngaangai' intok, am maya' risilo ra moonong tumpang.

TINGGANAI RU BANSA' 6:11

Kopongo raginio paat ra rondo' orou minatong malaikat ru Tuhan ra pekan Opra am nanturung ra saau ru puun oak longgom ri Joas, sangulun intor ra bansa' ru Abiijir. Anak ungkuyon ri Joas ondo' makainggalan ri Gidion tatanga' mangagik ra gandum giu' ra intok pamagaan ra anggur. Nambaal io ra kandoi no ra sininok maa' raginio kalo makito io ru ulun ru Midian.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

AMSAL 3:33

Ulason ru Tuhan no sasambaloi ru ulun malaat, kaa' barakaton No sasambaloi ru ulun gumagaya' Riso.

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

YEHEZKIEL 24:23

Kalo mugar kau ra kolondo' sigal ru ulu, kapoam kasut. Kalo manulaboi kau kapoam mantangi'. Gumaai kagas min sabap ra tula min, am mampalaa kau ra rondo' am bokon.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.