IMAMAT 26:13 - Tanou Moonsoi Timugon

¹³ Aku Tuhan i Aki Kapuuno' min, nagibit ramuyun miningkual intor ra Misir maa' raginio kalo boo masauk kau ra inulipon. Pinandak Ku noyo kuasa' ondo' nangulipon ramuyun, am napasauk ramuyun ra ulun labus.”

IMAMAT 26:13 ပူးပေါင်းရင်းမြစ်များ

MAZMUR 116:16

Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

JISAYA 51:23

Kaimbalaan no pataakon Ku ra ulun ondo' mangimbolo' ramuyun, ondo' nanusub ramuyun lumuya' ra tana' am nanginjang-nginjang ramuyun, koson ayuk ra ralan ondo' bayain ru ulun.”

JISAYA 9:3

Inalap Mu noyo kapaganan nilo ondo' maagat, am tataun pikulan intor ra limbawo nilono. Kinala Mu bansa' ondo' mangimpai am mantaligamis ra ulun Muno, koson ra Okou nangala ra saujor ru Midian ra galing i ayuk poyo.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 28:2

ra Tuhan Ondo' Maayo Kaga' Kuasa', i Aki Kapuuno' ru Israil minindagu, “Pinandak Ku noyo kuasa' ru raja' ru Babilonia.

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

YEHEZKIEL 30:18

Bandar Tapanis lumondom paat ra orou Aku manguasa' ra Misir am mamuso ra kuasa' nano ondo' limbawan nano. Misir libungin ru gaun, am ngaangai' mamagun ru bandar no rokopon.

YEHEZKIEL 34:27

Puun ru tataun mangkawa', umo mangingkual ra ampos, am moonong ulun mayan ra moonsoi giu' ra tana' nano galama'. Paat ra Aku mangukat ra nakabangkil ra ulun Kuno am mampalabus risilo intor ra bansa' ondo' nangulipon risilo, bagu no makapandai ilo ra Aku noyo Tuhan.

GOSIA 11:4

Pinainggaar Ku ilo ra togom maayo. Ibain Ku am mangalok risilo, Kumuung Aku am mampaakan risilo.

IMAMAT 25:38

Gitio noyo susuban ru Tuhan i Aki Kapuuno' min, ondo' nagibit ramuyun miningkual intor ra Misir koson mangani' ramuyun ra pagun Kanaan, maa' raginio masauk Io ri Aki Kapuuno' min.

IMAMAT 25:42

Ulun Israil iono ulipon ru Tuhan am nagibit Io noyo risilo miningkual intor ra Misir; ginio sabap boo ra kalo matalan ilo koson ra inulipon.

IMAMAT 25:55

Sangulun ru Israil kalo masauk ra inulipon ra mantilayun, sabap ra ulun ru Israil noyo ulipon ru Tuhan. Nagibit Io noyo risilo miningkual intor ra Misir; Io noyo Tuhan i Aki Kapuuno' nilo.

NAGUM 1:13

Raino pupusin Ku kuasa' ru Asyur ramuyun, am ukaton Ku rantai ondo' nakabangkil ramuyun.”