IMAMAT 26:11 - Tanou Moonsoi Timugon

¹¹ Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 26:11 ပူးပေါင်းရင်းမြစ်များ

2 SAMUIL 7:7

Buoi ru pangkiralanan Kuno mabaya' ra ulun ru Israil, kalo igondo' aku pangkuot ra osoi pana tingganai ondo' pinili' Kuno, atan sabap no ilo kalo nambaal Raki' ra baloi intor ra tataun sidar.’

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

1 RAJA'-RAJA' 8:13

Raino nambaal aku Rirun ra rondo' baloi ondo' maindon, koson intok ayanan Muno ra mantilayun.”

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 76:2

Nakatanou i Aki Kapuuno' giu' ra Jiuda, inggalan Nano sasabiton giu' ra Israil.

MAZMUR 78:59

Siminangit toojo i Aki Kapuuno' bulintok nakakito ra babaal raginio, am inggalari' No lingono' ngaangai' ulun Nano.

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

KAINGKUALAN 29:45

Mayan Aku sumimpung ra ulun ru Israil, am masauk Aku ri Aki Kapuuno' nilo.

KAINGKUALAN 29:46

Makapandai ilo ra Aku noyo Tuhan i Aki Kapuuno' nilo ondo' nagibit risilo miningkual intor ra Misir, maa' raginio makaayan Aku risilo. Aku noyo Tuhan i Aki Kapuuno' nilo.”

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

JOIL 2:27

Ginio ra, akau Israil, makapandai kau ra Aku soroi ra tatanga' min, am ra Aku, Tuhan iono i Aki Kapuuno' min, am kolondo' boo bokon. Ulun Kuno totopot kalo boo asabin.”

IMAMAT 20:23

Pai' tilu ra kaulayan ru bansa' ondo' namagun ra giu' no. Pagiruon Ku ilo maa' raginio makaumpos kau ra pagun no. Napajala' ilo Raki' sabap ra binaal nilo ondo' makauyuyu'.

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

IMAMAT 26:43

Kaa' makapagulu, musiti' pagun no kolondo' soroi ra mamagun no maa' raginio totopot makatangus. Musiti' ulun Kuno maukuman ra ngaangai' ukum, sabap ra marara' gumagaya' ra ukum am susuban Kuno.

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.

JOSUA 22:19

Ginio ra amon ru majamol wilayah min am kalo maaya' saukon ra intok sambayangan ra Tuhan, ratong noyo ra pagun ru Tuhan, intok napasarayan ra Kim ru Tuhan. Pakitaak noyo ra tana' intor ramon, kaa' pai' guor ra Tuhan kapoam akai ra nambaal rondo' poyo altar suai ra altar ru Tuhan i Aki Kapuuno' takau ondo' pinatirong noyo.

JOSUA 22:31

Indagu i Pinigas anak ru Imam Iliajar risilo, “Raino nakapandai akai ra nabaya' Tuhan ritakau. Kalo giminuor kau Riso. Namayag kau ra ulun ru Israil intor ra ukuman ru Tuhan.”

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.