IMAMAT 26:1 - Tanou Moonsoi Timugon

¹ Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

IMAMAT 26:1 ပူးပေါင်းရင်းမြစ်များ

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

KAINGKUALAN 34:17

“Pai' pambaal ra tuhan-tuhan ra bokon intor ra basi', am pai' samba ra tuhan-tuhan ra bokon no.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

MAZMUR 97:7

Ngaangai' ulun sumamba ra sinungkalalaing tauyuon, ngaangai' dewa migulatur ra saang ru Tuhan.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

IMAMAT 25:55

Sangulun ru Israil kalo masauk ra inulipon ra mantilayun, sabap ra ulun ru Israil noyo ulipon ru Tuhan. Nagibit Io noyo risilo miningkual intor ra Misir; Io noyo Tuhan i Aki Kapuuno' nilo.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

IMAMAT 7:33

ra imam ondo' mapataak ra raraa' am lomok intor ra taak simbalui koson makibarakat ra Tuhan no.

TINGGANAI RU BANSA' 18:30

Giu' ra bandar no pinabigor nilo sinungkalalaing ondo' inibit nilono. Ilo pana napalantik ri Jonatan anak ri Girsom, akupu ri Musa koson imam nilo. Papag ri Girsom pana nasauk ra imam ru bansa' ru Dan saboi ra ulun ru Israil rinakop am pinatiran ra pagun ra bokon.

2 RAJA'-RAJA' 17:8

am niayuk minaya' ra kaindalaman ru bansa' ondo' pinagiru' ru Tuhan paat ra ulun ru Israil minayan ra pagun no. Minaya' ulun ru Israil ra kaulayan ondo' inaru' ru raja'-raja' ru Israil.

2 RAJA'-RAJA' 17:10

Giu' ra ngaangai' bulur am giu' ra saau ru moonong puun tataun, nambaal ilo ra lugu'-lugu' batu am sinungkalalaing Dewi Asyira.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.