IMAMAT 25:54 - Tanou Moonsoi Timugon

⁵⁴ Amon ru kalo mapuli' io ra rondo' intor ra ralan raginio, musiti' io am anak-anak nano palabuson paat ra Bilor Papasagulian ra matong no.

IMAMAT 25:54 ပူးပေါင်းရင်းမြစ်များ

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 52:3

Mindagu Tuhan ra ulun Nano, “Akau tinalan ra kolondo' logo, ragino palabuson kau ra kolondo' niayuk logo.

IMAMAT 25:10

Kon raginio ra akau palilion ayuk bilor ondo' kalimo ngoopor, am mapatanou ra kalabusan ra ngaangai' mamagun ru pagun. Paat ra bilor raginio ngaangai' rapu' ondo' natalan noyo musiti' pasagulion ra tatangan toojo kapoam ra papag ru tatangan no. Osoi ayuk ondo' tinalan noyo koson ra ulipon musiti' pasagulion ra sasambaloi nano.

IMAMAT 25:13

Paat ra bilor raginio, ngaangai' tana' ondo' natalan noyo moonsoi pasagulion ra tatangan toojo no.

IMAMAT 25:55

Sangulun ru Israil kalo masauk ra inulipon ra mantilayun, sabap ra ulun ru Israil noyo ulipon ru Tuhan. Nagibit Io noyo risilo miningkual intor ra Misir; Io noyo Tuhan i Aki Kapuuno' nilo.