IMAMAT 25:43 - Tanou Moonsoi Timugon

⁴³ Pai' kapuka' ra ulun ru Israil ondo' mantalan ra inan nilono ramuyun koson ra inulipon, kaa' kalaa' noyo ri Aki Kapuuno' mino.

IMAMAT 25:43 ပူးပေါင်းရင်းမြစ်များ

KOLOSI 4:1

Tuan kau ngai', moonsoi paningganayan min ra ulipon mino motopot am kalo mampili' ra ulun. Karaa' min ra akau pana makatuan giu' ra suruga'.

IMAMAT 25:46

Pataakon min ilo koson ra tungkus ra anak ungkuyon mino, koson masauk ra inulipon nilo buoi ru bayag, kaa' pai' kau kapuka' ra ulun ru Israil.

IMAMAT 25:17

Pai' pamparuung ra gino ngai' ulun ru Israil, kaa' kalaa' noyo ra Tuhan i Aki Kapuuno' mino.

IPISUS 6:9

Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

YEHEZKIEL 34:4

Kalo babason min ondo' malawo, kapoam mamabas ra ondo' marualan, kapoam mamangkos ra ondo' napilat, kapoam magibit muli' ondo' nakalayau kapoam maguyum ra ondo' natatak. Kaa' malaat boo pamakuan min ra ngaangai' domba no.

IMAMAT 25:53

ilain koson mangandoi io koson ra ulun gajiin. Kalo iowon tuan nano mapuka' riso.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JISAYA 58:3

Mangkuot bansa' raginio, “Atan pakuan mampali amon ru Tuhan kalo magilong? Atan pakuan itakau minggana' guang amon ru Io kalo mampalio?” Mindagu Tuhan, “Sotopot no, liliwa' akau mampali, maguyum kau ra kaatangan galama' am mangimbolo' ra ulun-ulun mangandoi mino.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

SAGULION 25:18

Kalo malaa' ilo ri Aki Kapuuno'. Namulunsar ilo ramuyun intor ra tinaulian paat akau naagui am kalo maikang, am namatoi ra ngaangai' ulun ondo' natatang ra tinaulian.

KAINGKUALAN 5:14

Tingganai ru ulipon no napalamba' ra mandur ra bansa' ru Israil ondo' sinusub magalung ra kandoi no. Pangkuot ilo, “Kua kalo binaal min batu bata koson ra kinasuang ragili?”

KAINGKUALAN 3:9

Sotopot no naining Ku noyo golok ru ulun Kuno am nakito Ku ati kulaan ru ulun ru Misir nangulipon kaga' risilo.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 2:23

Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'.

KAINGKUALAN 1:17

Kaa' ulun-ulun mampaanak no malaa' ri Aki Kapuuno'. Marara' ilo mambaal ra susuban ru raja', am pinoloso nilo lalagang ungkuyon maayag.

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

IMAMAT 25:42

Ulun Israil iono ulipon ru Tuhan am nagibit Io noyo risilo miningkual intor ra Misir; ginio sabap boo ra kalo matalan ilo koson ra inulipon.

IMAMAT 25:44

Amon ru manangulipon kau, mambali kau ra inulipon intor ra ulun bansa' ru bokon ondo' minayan ra liliut mino.

2 TUNUNG RU BANSA' ISRAIL 28:10

Raino akau pana namparakop ra mamagun ru Jirusalim am Jiuda, am masaga' mampasauk risilo ra uliponon min. Kalo kia nakapandai kau ra akau galama' pana makatula noyo ra Tuhan, i Aki Kapuuno' min?

AYUP 31:13

Paat ulipon kuno mampalaa sabap ra longgom nano ra kalo linio kuno, mangkirongog aku am pamakuan kuno riso matimpok.

AYUP 31:14

Amon ru kalo, ati kulaan aku muma' ri Aki Kapuuno'? Atan kia ondo' maragu kuno paat ra aku akimin ri Aki Kapuuno'?