IMAMAT 25:38 - Tanou Moonsoi Timugon

³⁸ Gitio noyo susuban ru Tuhan i Aki Kapuuno' min, ondo' nagibit ramuyun miningkual intor ra Misir koson mangani' ramuyun ra pagun Kanaan, maa' raginio masauk Io ri Aki Kapuuno' min.

IMAMAT 25:38 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

IMAMAT 25:37

Pai' kitaako' bunga' ru ruit ra ruit ondo' pairain min riso, am pai' pagantung intor ra akanon ondo' talanon min riso.

UNTABAN 15:41

Aku noyo Tuhan i Aki Kapuuno' min; nagibit Aku ramuyun miningkual intor ra Misir maa' raginio masauk Aku ri Aki Kapuuno' min. Aku noyo Tuhan.”

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.