IMAMAT 25:35 - Tanou Moonsoi Timugon

³⁵ Amon ru sasangulun gino ngai' ulun ru Israil, ondo' minayan ramuyun nasauk ra musikin am kalo makapaginakan, musiti' min indanganon io koson ra akau mangindangan ra ulun bansa' ru bokon kapoam ulun minatong, maa' raginio marayus io makaayan ramuyun.

IMAMAT 25:35 ပူးပေါင်းရင်းမြစ်များ

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

1 JUANIS 3:17

Amon ru sangulun langkaya' makakito ra pabukat musikin nano, kaa' maagat guang nano mangindangan, ati kulaan motogom io rokoon ri Aki Kapuuno'?

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 112:5

Pakaansuk noyo ulun ondo' mataau am masaga' mampaira', am niayuk mabanis guang ralalom nansalinut kandoi.

MAZMUR 41:1

Ra tingganai ru santimungan maririmbai. Mazmur ri Daut.

MAZMUR 37:26

Magail ilo mangani' am mapaira' maya' ra taau ru guang, am ngaangai' sayat nilono nasauk ra barakat risilo.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

GALATIA 2:10

Rondo' ayuk kinitaak nilai, ra akai musiti' mangindangan ra ulun musikin ra Jirusalim. Gitio noyo ondo' piroton kuno toojo baalo' ra buoi ti.

2 KORINTUS 9:1

Sotopot no kalo boo pana mamatik aku ramuyun intor ra ruit paindanganon pataakin ra ulun ri Aki Kapuuno' ra Jirusalim.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

ROMA 12:20

Kaa' tinulisan poyo ra Buuk Kitab, “Amon ru pantula' muno maitilan, paakano' io. Amon ru pantula' muno pinaason, painumo' io. Sabap ra maa' raginio mampakauyu' kou boo riso.”

ROMA 12:18

Amon ru maalap min, pobobonsoi kano ra ngaangai' ulun.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

JUANIS 12:8

Ulun musikin masalok soroi ramuyun, kaa' aku kalo.”

MARKUS 14:7

Ulun musikin masalok soroi ramuyun am makapangindangan kau risilo ra sasanggilan ayuk, kaa' Aku kalo boo masalok mababaya' ramuyun.

MATIUS 25:35

Sabap ra paat ra Aku naitilan, pinaakan min Aku am paat ra Aku pinaason, pinainum min Aku. Ra Aku sangulun bansa' ru bokon, inapu min Aku ra baloi min.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

IMAMAT 25:25

Amon ru sangulun Israil nasauk ra musikin am mantalan kalalaat ra tana' nano, pabukat nano ondo' mamaar kaga' musiti' mamuli' ra tana' no.

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

KAINGKUALAN 23:9

“Pai' kalaat ra ulun bansa' ru bokon; nakaili' kau nasauk ra ulun bansa' ru bokon, sabap ragili pana ulun bansa' ru bokon kau giu' ra Misir.”

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

KAINGKUALAN 22:25

“Amon ru mapaira' kau ra ruit ra sangulun musikin ra popolos ru ulun Kuno, pai' ikanuo' koson ra ondo' mapaira' ra ruit ondo' makitaak ra bunga' ru ruit.

SAGULION 23:19

“Paat ra akau mapaira' ra ruit, akanon, kapoam atan ayuk ra gino ngai' ru Israil, pai' pakitaak ra bunga'.

NIGIMIA 5:1

Kukula' buoi boo raginio masuang ulun ru Jaudi, ungkuyon am niayuk ruandu', tumalimpuun mambutok ra gino ngai' ru bansa' ru Jaudi.

KAINGKUALAN 22:24

Sumangit Aku am mamatoi ramuyun ralalom pangayawan. Mangapuor andu' min am anak min kolondo' ama'.

NIGIMIA 5:3

Mokoondo' ulun ra bokon ondo' mindagu, “Nampagadai akai kalalaat ra umo, umo ru anggur am baloi mai koson mambali ra gandum maa' raginio kalo maitilan akai.”

AYUP 31:16

Kalo igondo' aku marara' mangindangan ra ulun musikin, am kalo igondo' nompoloso ra ruandu' napuor maayag ra mangkaus.