IMAMAT 25:24 - Tanou Moonsoi Timugon

²⁴ Paat ra matalan sampila' tana', musiti' iowon kuasa' ru tatangan toojo ra tana' no koson mamuli' raginio.

IMAMAT 25:24 ပူးပေါင်းရင်းမြစ်များ

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

IPISUS 1:14

Ambiluo raginio noyo mapakalansan ritakau ra makaapu toojo ra ngaangai' ondo' binantu' ri Aki Kapuuno', suku' kalabusan ra ulun ondo' mangintopot riso. Sabap raginio, omporo' noyo i Aki Kapuuno' ondo' kolondo' pogondo'!

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

IMAMAT 25:31

Kaa' aturan tayar ru baloi giu' ra pekan ondo' kolondo' rinding batu, nogondo' ra aturan ra tana'. Tatangan toojo makakuasa' mamuli' raginio, am musiti' pasagulion riso paat ra Bilor Papasagulian.

IMAMAT 25:27

Amon ru ginio baal no, musiti' io mambayar ra ulun ondo' nambali ra tana' no, ngaangai' logo ondo' maaya' ra ampos ondo' moowot ra kalo poyo Bilor Papasagulian ra matong no. Koon raginio noyo io makaalap saguli' ra tana' nano.

IMAMAT 25:23

Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.

IMAMAT 25:25

Amon ru sangulun Israil nasauk ra musikin am mantalan kalalaat ra tana' nano, pabukat nano ondo' mamaar kaga' musiti' mamuli' ra tana' no.

YEHEZKIEL 7:13

Ulun mantatalan kalo maayag ra mabuoi koson manili ra kalubatan, sabap ra sangit ri Aki Kapuuno' lumumpa' ra moonong ulun. Ilo ondo' malaat kalo maayag.

JIRIMIA 32:7

ra i Anamiil, anak ungkuyon ru kamaman kuno i Salum, matong raki' koson mangitaak raki' maa' raginio balion ku tana' nano giu' ra Anatot, giu' ra wilayah Binjamin. Aku noyo pabukat nano ra mamaar kaga' am matimpok mambali ra tana' no.