IMAMAT 25:23 - Tanou Moonsoi Timugon

²³ Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.

IMAMAT 25:23 ပူးပေါင်းရင်းမြစ်များ

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

1 RAJA'-RAJA' 21:3

Kaa' taam i Nabot, “Umo ru anggur ti pinatungkus ru kinamatuaan kuli. Ralalom inggalan ru Tuhan, kalo pataakon ku ginio rirun raja'!”

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

2 TUNUNG RU BANSA' ISRAIL 7:20

Aku pana mamatir ramuyun intor ra pagun ondo' tinaakan Kutu ramuyun, am mangiruan ra Baloi ti ondo' timpokon Kutu koson ra intok sambayangan Raki'. Ulun giu' ra ati intok magagasab am mangingiis ra Baloi ti.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 39:12

Inukum Mu tula ru ulun ra sawai Muno, am koson ra anai, namuso Kou ra kasagaan nilo. Sotopot no kaayagan ru moonong ulun koson ayuk ra mapaabus ra paminawaan ayuk.

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 85:1

Ra tingganai ru santimungan maririmbai. Mazmur ru bansa' ri Kora.

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 2:22

Naganak i Jipora ra sangulun anak ungkuyon. Indagu i Musa, “Aku ti ulun bansa' ru bokon ra pagun ti, ginio boo ra inggalanin ku anak ti i Girsom.”

JISAYA 8:8

Rumatong ilo ra Jiuda koson ra liur mokopolos ra limbawo am mompolosor ra ngaangai' no.” Aki Kapuuno' mabaya' ritakau! Kawo Nano ondo' pinabingkal manindung ra pagun ragitio.

YEHEZKIEL 48:14

Tana' linuntuk ra Tuhan iono tana' ondo' moonsoi kaga' giu' ra titikop pagun. Sandangou pana intor ra tana' no kalo iowon talanon, aligin kapoam pabandingon ra ulun bokon, sabap ra tana' no matulai am longgom ru Tuhan.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

JOIL 2:18

Tuhan pana nanulu' ra Io mampalio ra tana' Nano; makaasi' Io ra ulun Nano.

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

IMAMAT 25:10

Kon raginio ra akau palilion ayuk bilor ondo' kalimo ngoopor, am mapatanou ra kalabusan ra ngaangai' mamagun ru pagun. Paat ra bilor raginio ngaangai' rapu' ondo' natalan noyo musiti' pasagulion ra tatangan toojo kapoam ra papag ru tatangan no. Osoi ayuk ondo' tinalan noyo koson ra ulipon musiti' pasagulion ra sasambaloi nano.

IMAMAT 25:24

Paat ra matalan sampila' tana', musiti' iowon kuasa' ru tatangan toojo ra tana' no koson mamuli' raginio.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.