IMAMAT 25:19 - Tanou Moonsoi Timugon

¹⁹ Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 25:19 ပူးပေါင်းရင်းမြစ်များ

1 RAJA'-RAJA' 5:5

Nambantu' noyo Tuhan ra Raja' Daut ama' kuno. Ragu Nano, ‘Anak ungkuyon muno ondo' lantikon Kuno masauk ra raja' koson malit rirun mambaal ra Baloi Kuno.’ Ginio ra namatas aku noyo koson mambaal ra Baloi intok sumamba ra Tuhan, i Aki Kapuuno' kuno.

MAZMUR 67:6

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

MAZMUR 85:12

Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

AMSAL 1:33

Kaa' osoi mangkirongog raki' io maayag. Kaayagan nano moonsoi am kalo pana malaa'.”

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

YEHEZKIEL 36:30

Ruangin Ku ampos ru puun kinawa' am ampos ru umo mino, maa' raginio kolondo' boo bitilan ondo' mampauyu' ramuyun ra gino ngai' ru bansa'-bansa'.

JOIL 2:24

Intok pangagikan ra gandum mososok ra gandum, am intok mamaga' ra kawa' ru anggur malabaan ra wain am umau jaitun.

JOIL 2:26

Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

IMAMAT 25:18

Gagayaa' ngaangai' ukum am susuban ru Tuhan maa' raginio maayag kau ra namio-mio giu' ra pagun no.

IMAMAT 25:20

Kaa' maaru' lair mokoondo' ulun mangkuot ra, “Atan kia akanon ondo' soroi ra bilor katulu' no, sabap ra tana' kalo tanamin am kalo kumoson ampos no?”

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

IMAMAT 26:5

Ampos ru tatanom mino masuang kaga' saboi lakat poyo mangkumos kau ra gandum paat pangupuan ra kawa' ru anggur, am lakat poyo mangupu' kau ra kawa' ru anggur paat pantanaman ra gandum. Mokoowot kau ra akanon ondo' maukop, am maayag mamio-mio giu' ra pagun mino.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

SAGULION 12:10

Mopongo akau lumaup ra Sungoi Jordan, iowon kau ru Tuhan mayan ra tana' raginio am lumayun ra giu'. Magalung Io ramuyun intor ra ngaangai' pantula' maa' raginio maayag kau ra mamimio.