IMAMAT 25:14 - Tanou Moonsoi Timugon

¹⁴ Ginio sabap ra paat ra mantalan kau ra tana' ra gino ngai' ulun ru Israil, kapoam mambali ra tana' intor risilo, pai' baalo' mantalan am mambali no ra kalo matanda'.

IMAMAT 25:14 ပူးပေါင်းရင်းမြစ်များ

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

MAZMUR 10:18

Rongogon Mu tangi' ru ulun nailusan ra matuo am ulun ondo' inimbolo'; sungkaan Mu ilo maa' raginio kalo boo ilaanon ilo ru ulun.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

AMSAL 22:16

Osoi mangimbolo' ra ulun musikin koson ra ralan no sumauk langkaya' kapoam manaak ra tangguang ra ulun langkaya', pupus nano tumamusikin.

AMSAL 28:16

Mangunguasa' ra sasambungon no malaat kaga', kaa' mangunguasa' ondo' masisang ra kalo mabanis guang pamarintaan nano mabuoi.

AMSAL 28:3

Mangunguasa' ondo' mangimpai ra ulun musikin koson ra rasam maawas ondo' mapakapasa' ra kumoson.

AMSAL 28:8

Osoi-osoi masauk ra langkaya' ondo' kologoon no bunga' ru ruit am niayuk mamparuung ra ulun bokon, rapu' nano masauk ra longgom ru ulun bokon ondo' makaasi' ra ulun musikin.

MAMPATANOU 5:8

Raja' pana malansan ra ampos kinumos.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

IMAMAT 25:15

Musiti' aruon logo ru tana' no sumugut ra suang ru bilor ra tana' no nanangampos ra kalo poyo Bilor Papasagulian ra matong.

IMAMAT 25:17

Pai' pamparuung ra gino ngai' ulun ru Israil, kaa' kalaa' noyo ra Tuhan i Aki Kapuuno' mino.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

LUKAS 3:14

Mokoondo' niayuk saujor nangkuot, “Ati kulaan ramon? Atan musiti' baalon mai?” Taam i Juanis, “Pai' kau pampagaau ra ruit ru osoi ayuk pana am pai' kau pangilalaa' ra ulun koson mangalap ra ruit nilo. Sama' noyo ra gaji' mino galama'!”

1 KORINTUS 6:8

Kaa' akau boo galama' mangkalaat ra rondo' am bokon am migagaau ra rondo' am bokon, ioginio pabukat min ra Kristian.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.