IMAMAT 24:6 - Tanou Moonsoi Timugon

⁶ Pabantaa' ruti'-ruti' no ra ruo ngatinting, onom ruti' ra moonong tinting, giu' ra rasawat ru mija' ondo' inangkupan ra mas kopoyo, ondo' pinabanta' giu' ralalom Kim ru Tuhan.

IMAMAT 24:6 ပူးပေါင်းရင်းမြစ်များ

1 RAJA'-RAJA' 7:48

Raja' Salomo niayuk nanusub ra ulun mambaal ra kakamot mas koson ra Baloi ru Tuhan: Altar, mija' ru ruti' ondo' pataakon ri Aki Kapuuno',

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

2 TUNUNG RU BANSA' ISRAIL 4:19

Nanusub niayuk Raja' Salomo ra ulun mambaal ra kuliamos mas ra Baloi ru Tuhan: altar am mija' ru ruti' ondo' pataakon ri Aki Kapuuno';

NIGIMIA 10:33

Paatangon mai kalalair kuliamos pakayon ragitio koson sambayang giu' ra Baloi ru Tuhan: ruti' pasulungon, taak simbalui moonong orou, iono taak simbalui ra paringkuanangan am bibiag tinambiag ondo' taak simbalui koson mapabansuk ra guang ru Tuhan, am niayuk taak mapasau paat ra orou Sabat, Pangiantakan Sila' Bagu, am niayuk pangiantakan ra bokon, taak-taak mapasau ra bokon, taak-taak simbalui ondo' mangampun ra tula ru Israil, am atan ayuk ondo' makapakuan ra Baloi ru Tuhan.

NIGIMIA 10:34

Moonong bilor akai mamagun ru Israil, imam-imam am ulun-ulun ru Liwi magugundi' koson mangaru' ra bansa' ra ati ondo' musiti' mangalap ra luton koson monolob ra taak simbalui ondo' pataakon ra Tuhan, i Aki Kapuuno' mai, sumugut ra aturan ru Taurat.

KAINGKUALAN 25:30

Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

KAINGKUALAN 39:36

mija' am ngaangai' kuliamos no, ruti' ondo' pataakon ri Aki Kapuuno';

YEHEZKIEL 41:22

altar tataun: sawat nano 1.5 ngamito, am pila' nano 1 ngamito. Pisuk, apin am kiing ru altar, ngaangai' binaal intor ra tataun. Indagu ungkuyon no raki', “Gitio noyo mija' ondo' pabantaan ra saang ru Tuhan.”

1 KORINTUS 14:40

Kaa' ngaangai' no musiti' paugaron ra moonsoi am matanda'.

IBRANI 9:2

Mokoondo' ra kim ondo' lamin ra saang no ininggalanan ra Intok Matulai, am giu' no tampakan ra lampung am mija' papabantaan ra ruti' ondo' pataakon ri Aki Kapuuno'.