IMAMAT 24:5 - Tanou Moonsoi Timugon

⁵ Alapo' noyo ruo ngoopor am apat ngakilogram tapung ondo' moonsoi kaga' am pambaal no ra mopor am ruo ngantaun ruti'; rondo' ruti' baalon intor ra ruo ngakilogram tapung ondo' moonsoi kaga'.

IMAMAT 24:5 ပူးပေါင်းရင်းမြစ်များ

1 RAJA'-RAJA' 18:31

Pangalap io ra mopor am ruo batu, moonong rondo' manguakil ra rondo' ra bansa' intor ra mopor am ruo bansa' ru papag ri Jakub, iono ulun ondo' ininggalanan ri Israil ru Tuhan.

1 TUNUNG RU BANSA' ISRAIL 23:29

Ilo niayuk musiti' mambaal ra baal ragitilo: ruti' ondo' pataakon ri Aki Kapuuno', tapung moonsoi kaga' ondo' pakayon koson ra taak, kuui malilis ondo' binaal kalo linatakan ra ragi, taak ondo' solobon, am tapung ondo' linatakan ra umau jaitun. Ilo niayuk musiti' manimbang am manuku' ra taak ondo' ibiton ra Baloi ru Tuhan.

1 TUNUNG RU BANSA' ISRAIL 9:32

Ulun intor ra bansa' ru Kigat ondo' pinalansan manampos ra kuui pataakon paat ra moonong orou Sabat.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

NIGIMIA 10:33

Paatangon mai kalalair kuliamos pakayon ragitio koson sambayang giu' ra Baloi ru Tuhan: ruti' pasulungon, taak simbalui moonong orou, iono taak simbalui ra paringkuanangan am bibiag tinambiag ondo' taak simbalui koson mapabansuk ra guang ru Tuhan, am niayuk taak mapasau paat ra orou Sabat, Pangiantakan Sila' Bagu, am niayuk pangiantakan ra bokon, taak-taak mapasau ra bokon, taak-taak simbalui ondo' mangampun ra tula ru Israil, am atan ayuk ondo' makapakuan ra Baloi ru Tuhan.

NIGIMIA 10:34

Moonong bilor akai mamagun ru Israil, imam-imam am ulun-ulun ru Liwi magugundi' koson mangaru' ra bansa' ra ati ondo' musiti' mangalap ra luton koson monolob ra taak simbalui ondo' pataakon ra Tuhan, i Aki Kapuuno' mai, sumugut ra aturan ru Taurat.

KAINGKUALAN 25:30

Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

KAINGKUALAN 39:36

mija' am ngaangai' kuliamos no, ruti' ondo' pataakon ri Aki Kapuuno';

KAINGKUALAN 40:23

am pabantaa' ruti' ondo' pataakon ra Tuhan ra rasawat ru mija' no, koson ra nanusuban ru Tuhan.

KAINGKUALAN 40:4

Ibito' mija' ra ralalom am pabantaa' kuliamos ra rasawat ru mija' no. Ibito' niayuk tampakan ra lampung am pabantaa' lampung ra rasawat no.

UNTABAN 4:7

Musiti' nilo pabingkalon rondo' konoon motomou ra rasawat ru mija', intok ru ruti' ondo' pataakon ra Tuhan. Musiti' nilo pabantaan pinggan, mangkuk ru kaminyan, mangkuk ru taak simbalui, am rarapu' tayar ru taak simbalui wain rasawat ru mija'. Musiti' taak ra ruti' magail soroi ra rasawat ru mija'.

MATIUS 12:4

Subol io ralalom Baloi Tuhan. Io am ulun-ulun nali pana nangakan ra ruti' ondo' pinataak noyo ri Aki Kapuuno', kabalu' pana baal raginio manggal ra Ukum ri Musa. Imam-imam ayuk ondo' makapangakan ra ruti' no.

RINALATAN 26:7

Bantu' ragili niayuk ondo' kalansanan ru koopor am ruo ngantayaran ru Israil, saboi orou-rondom ilo sumamba ri Aki Kapuuno'. Raja' Agripa, sabap ra kalansanan raginio noyo aku ti inuwan ru ulun ru Jaudi.

IBRANI 9:2

Mokoondo' ra kim ondo' lamin ra saang no ininggalanan ra Intok Matulai, am giu' no tampakan ra lampung am mija' papabantaan ra ruti' ondo' pataakon ri Aki Kapuuno'.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

1 SAMUIL 21:6

Kopongo raginio ruti' ra pataakon no pinataak ru imam no ri Daut, sabap ra ruti' ondo' soroi riso no ruti' pataakon ondo' pinataak noyo ri Aki Kapuuno'. Ruti' no inalap noyo intor ra intok papataakan koson papaliton ra ruti' ondo' baguon. (

1 SAMUIL 21:7

Nakainamot ra i Doig ulun ru Idom, tingganai ru magagalung ra bibiag tinambiag ru Raja' Saul, soroi ra giu' no paat ra orou raginio koson manugut ra pabaalin ru ugama.)