IMAMAT 24:3 - Tanou Moonsoi Timugon

³ Moonong rondom musiti' i Arun mansikit ra lampung no am polosoon ginio mapaang saboi ra susuab ti. Musiti' lampung no pabantaan giu' ra saang ru Tuhan, giu' ra liwar ru tabir ondo' giu' ra saang ru Kaban Nabantuan giu' ra Lamin Matulai Kaga'. Musiti' susuban ragitio gagayaan ra sabubuoi no.

IMAMAT 24:3 ပူးပေါင်းရင်းမြစ်များ

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

IMAMAT 24:2

maa' raginio mapasaboi ra susuban ragitilo ra ulun ru Israil: Pagibit no ra umau jaitun ra kopoyo ondo' moonsoi kaga' tayar ru lampung giu' ralalom Kim ru Tuhan, maa' raginio masikitan lampung no am marayus mapaang.

IMAMAT 24:4

Musiti' i Arun magalung ra lampung-lampung no ondo' pinatampak ra rasawat ru tampakan ra lampung ondo' binaal intor ra mas kopoyo, maa' raginio ngaangai' no magulayun mapaang giu' ra saang ru Tuhan.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

1 SAMUIL 3:3

Paat raginio i Samuil nombolong giu' ra ralalom baloi ru Tuhan, intok napabantaan ra Kaban Nabantuan ri Aki Kapuuno'. Ra kalo poyo tumawang, paat lampung ra rasawat ru altar lakat poyo mapaang,