IMAMAT 24:2 - Tanou Moonsoi Timugon

² maa' raginio mapasaboi ra susuban ragitilo ra ulun ru Israil: Pagibit no ra umau jaitun ra kopoyo ondo' moonsoi kaga' tayar ru lampung giu' ralalom Kim ru Tuhan, maa' raginio masikitan lampung no am marayus mapaang.

IMAMAT 24:2 ပူးပေါင်းရင်းမြစ်များ

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

KAINGKUALAN 39:37

tampakan ra lampung intor ra mas kopoyo, lampung no, ngaangai' kuliamos no am umau ru lampung;

KAINGKUALAN 40:24

Pabantaa' ri Musa tampakan ra lampung ralalom Kim ru Tuhan, tampilon rabugus, natingkuang ra mija' no.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

IMAMAT 24:1

Nambala' Tuhan ri Musa

IMAMAT 24:3

Moonong rondom musiti' i Arun mansikit ra lampung no am polosoon ginio mapaang saboi ra susuab ti. Musiti' lampung no pabantaan giu' ra saang ru Tuhan, giu' ra liwar ru tabir ondo' giu' ra saang ru Kaban Nabantuan giu' ra Lamin Matulai Kaga'. Musiti' susuban ragitio gagayaan ra sabubuoi no.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.