IMAMAT 24:14 - Tanou Moonsoi Timugon

¹⁴ “Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

IMAMAT 24:14 ပူးပေါင်းရင်းမြစ်များ

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

IMAMAT 13:46

Magulayun io majamol buoi ra io marualan. Musiti' io mayan ra liwar ru pangkiman, sumuai intor ra ulun bokon.

IMAMAT 20:2

mambala' ra ulun ru Israil, “Osoi ayuk ra popolos mino, kapoam ulun bansa' ru bokon ra popolos mino, ondo' mapataak ra anak nano koson ra taak simbalui ra Dewa Molok, musiti' bobolon saboi matoi ru ngaangai' mamagun.

IMAMAT 20:27

Moonong ungkuyon kapoam ruandu' ondo' mapandai makimansunur ra ambiluo ru ulun namagatoi, musiti' bobolon saboi matoi. Ulun ondo' mambaal ragitio matoi sabap ra kasalaan galama'.”

IMAMAT 24:13

Indagu Tuhan ri Musa,

JUANIS 8:59

Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.

SAGULION 17:5

ibito' noyo ulun raginio giu' ra liwar ru bandar am bobolon ra batu saboi io matoi.

SAGULION 17:7

Ulun ondo' nasauk ra sasi' raginio noyo ondo' musiti' magulu momobol ra batu, bagu no ngaangai' ulun ra bokon momobol ra ulun no ra batu. Gitio ralan min mamuso ra kalaatan raginio.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

SAGULION 22:21

tingganai-tingganai ru bandar no pana musiti' magibit ra ruandu' no giu' ra kulobon ru baloi ru matuo nano. Ungkuyon ru bandar no pana musiti' momobol riso saboi matoi, sabap nambaal io ra baal mapakauyu' ra gino ngai' ru bansa' takau. Nakimarulug io noyo ra kalo poyo nawot, paat ra io lakat poyo soroi ra baloi ru ama' nano. Koson raginio noyo akau namuso ra kalaatan no.

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.