IMAMAT 23:40 - Tanou Moonsoi Timugon

⁴⁰ Paat ra orou kasaa', alapo' kawa' ondo' moonsoi kaga' intor ra puun kinawa' mino, am alapo' niayuk raun palma, raan ru tataun ondo' maawas raun, am puun tataun magana' ra nambusak intor ra kiing ru sungoi, am talimpuunin noyo pangiantakan makaansuk koson mangurumat ra Tuhan i Aki Kapuuno' mino.

IMAMAT 23:40 ပူးပေါင်းရင်းမြစ်များ

MAZMUR 137:2

Ra puun ru gandarusa ra pagun no patairon takau jitor takano.

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 44:4

Malabung kinatuu' nilono koson ra sakot giu' ra intok makatimug, koson ra puun ru gandarusa giu' ra tobo ru sungoi ondo' makaaug.

JISAYA 66:10

Pakaansuk noyo mababaya' ra Jirusalim, akau ngai' ondo' monogom ra bandar no. Pakaansuk noyo mababaya' ra Jirusalim ragino, akau ngai' ondo' nantangi' ra galing i.

IMAMAT 23:39

Paat ra orou koopor am limo ra sila' katulu', mopongo kau mangkumos, musiti' kau mangiantak ra pangiantakan raginio buoi tulu' ngoorou. Orou kasaa' am orou kaampusan no iono orou timpokon ra tangusan.

IMAMAT 23:41

Iantakon noyo pangiantakan raginio buoi tulu' ngoorou. Musiti' aturan ragitio gagayaan ru ngaangai' papag mino ra sabubuoi no.

MATIUS 21:8

Ulun masuang napabanta' ra sukub nilono ra ralan, am mokoondo' niayuk ulun-ulun ra bokon napabanta' ra raan ondo' inindaanan nilo i.

JUANIS 12:13

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

JUANIS 16:22

Mogondo' niayuk ramuyun; raino mangiluk guang min. Kaa' makapantuum takau saguli', am maansukan kau boo toojo; am kaansukan mino kalo malanggaan ru osoi ayuk pana.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.