IMAMAT 23:32 - Tanou Moonsoi Timugon

³² Intor ra paat mato ru orou tumolop paat orou kasiam ra sila' raginio, saboi ra paat mato ru orou tumolop paat orou koopor ra sila' ra nogondo', musiti' min iantakon ginio koson ra orou Sabat, ondo' timpokon ra tangusan. Musiti' kau mampali buoi ru orou raginio.

IMAMAT 23:32 ပူးပေါင်းရင်းမြစ်များ

NIGIMIA 13:19

Ginio boo ra nanusub aku maa' raginio kulobon garabang ru bandar angabin paat ra tumalimpuun ra moonong orou Sabat, iono kokotolop ayuk ru mato ru orou, am kulobon no kalo ukabin saboi ra maampus orou Sabat. Pinangandoi ku kukula' ngaulun ra ulun kuno giu' ra kulobon-kulobon garabang no koson magalung maa' raginio kolondo' kuliamos talanon ibiton mumpos ra ralalom ru bandar paat ra orou Sabat.

MAZMUR 35:13

Paat ra ilo mangkarualan, mangiluk guang kuno am kalo mangakan aku; kumuku' aku am makiasi',

MAZMUR 51:17

Indangano' aku mindagu, iou Tuhan, am omporon Tokou.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

IMAMAT 16:31

Orou raginio iono orou ondo' matulai kaga', paat ra ulun ru Israil mampali am lingon kalo mangandoi. Musiti' aturan ragitilo gagayaan ra sabuoi-buoi no.

IMAMAT 23:31

Musiti' aturan ragitio gagayaan ru ngaangai' papag mino, ati ayuk ayanan nilo.

IMAMAT 23:33

Pangiantakan Mangkalukub ra Raun tumalimpuun ra orou koopor am limo ra sila' katulu' am paugaron buoi tulu' ngoorou.

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

1 KORINTUS 11:31

Kaa' amon ru mangimumui takau galing ra baal ru guang takau, kalo boo akimin takau ri Aki Kapuuno'.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

IBRANI 4:3

Kaa' itakau ondo' mangintopot, makatangus mabaya' Riso koson ra rinagu Nali: “Masisang saboi nagibot Aku risilo: kalo noyo makasubol ilo ra pagun nilai am tumangus mabaya' Raki'.” Minindagu Io koson raginio kabalu' pana kandoi Nali nopongo noyo intor ra tana' ti biningkal.