IMAMAT 23:3 - Tanou Moonsoi Timugon

³ Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

IMAMAT 23:3 ပူးပေါင်းရင်းမြစ်များ

KAINGKUALAN 16:23

Kon ri Musa risilo, “Nanusub Tuhan ra susuab no orou tangusan, orou matulai patimpokon Riso. Paat orou raiti' solobo' atan ondo' masaga' min solobon, am tonoko' atan ondo' masaga' min tonokon. Ondo' suwo no, moonsoi pasuayon am buliin tayar ru susuab no.”

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 16:30

Ginio ra kalo mangandoi ilo ra orou ra katulu'.

KAINGKUALAN 23:12

“Pangandoi kano buoi kaanaman ralalom saminggu', kaa' paat ra orou ra katulu' kalo pongondoyon kau, maa' raginio ulipon mino am niayuk ulun bansa' ru bokon ondo' mangandoi ramuyun, am niayuk bibiag tinambiag min makatangus.

KAINGKUALAN 34:21

“Mokoonom ngoorou kau mangandoi, kaa' pai' pangandoi ra orou katulu', kabalu' pana makapaat ra mamparadu' kapoam mangkumos.

JISAYA 56:2

Barakatin Ku ulun ondo' gumagaya' ra orou Sabat kalo lumaat ra orou raginio. Ulun ondo' kalo mambaal ra kalaatan moonsoi pamakuan Kuno riso.”

JISAYA 56:6

Tuhan mindagu ra ulun-ulun bansa' ru bokon ondo' siminubol ra ulun ru Tuhan, ondo' monogom ra Tuhan am mangandoi Riso ayuk, ondo' mangurumat ra orou Sabat am gumagaya' ra nabantuan Nano,

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

LUKAS 13:14

Kaa' tingganai ru baloi sambayangan siminangit sabap ra namabas i Jisus paat ra orou Sabat. Indagu tingganai i ra ulun masuang no, “Onom ngoorou itakau makapangandoi, ratong kau pakibabas ra orou raginio am sala' ka paat ra orou Sabat!”

LUKAS 23:56

Kopongo ragili, uli' ilo am pomongo ra tatapis maamis owou koson paumawon ra baangkai ri Jisus. Suabon i orou Sabat ru ulun ru Jaudi, am sumugut ra Ukum ri Musa timinangus ilo.

RINALATAN 15:21

Sabap ra intor ra galing i noyo, Ukum ri Musa ti binasa' ra moonong orou Sabat giu' ra baloi sambayangan am pinabala' ra moonong pekan.”

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.