IMAMAT 23:20 - Tanou Moonsoi Timugon

²⁰ Pataakon boo ru imam ruti' am ruo ngainan anak domba no tayar ru taak lilion ra Tuhan, am taak ti masauk ra imam-imam tatangan. Taak ragitilo matulai.

IMAMAT 23:20 ပူးပေါင်းရင်းမြစ်များ

KAINGKUALAN 29:24

Pabantaan ngaangai' ruti' ti ra kalindu' ri Arun am anak-anak nano, am susubon ilo mapataak ra ngaangai' no Raki' koson taak paluntukon.

IMAMAT 23:17

Musiti' moonong sasambaloi magibit ruo ngantaun ruti', koson ra taak lilion ra Tuhan. Musiti' moonong ruti' baalon intor ra ruo ngakilogram tapung moonsoi kaga' ondo' latakin ra ragi. Musiti' ruti' ti pataakon ra Tuhan tayar ru taak intor ra kinumos ra gandum ondo' kasaa'.

IMAMAT 23:19

Suai raginio pataako' noyo sanginan kambing gawayan tayar ru taak simbalui koson mangampun ra tula, am ruo ngainan anak domba gawayan ondo' sambilor umur no tayar ru taak simbalui koson makibarakat ra Tuhan.

IMAMAT 23:21

Paat ra orou raginio pai' baalo' kandoi moonong orou, kaa' timung no ra sumambayang. Musiti' aturan ti gagayaan ru papag mino ra sabubuoi no, ra ati ayuk inayanan nilono.

IMAMAT 8:29

Kopongo raginio alap i Musa ra kubab ru domba no am pataako' no koson ra taak lilion ra Tuhan. Ginio noyo tayar ri Musa intor ra domba gawayan ondo' pataakon koson patimpokon ra imam. Nambaal i Musa ra ngaangai' no koson ra nanusuban ru Tuhan.

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

1 KORINTUS 9:11

Akai no ondo' napatias ramuyun ra sampug, ioginio nampasaboi ra bala' ri Aki Kapuuno' ramuyun. Am raino mantipagon kia amon ru mangkumos akai ondo' pinatias mai ragili, ioginio makitaak ra akanon songongorou?

IPISUS 2:14

Sabap ri Kristus noyo ondo' magibit ra pabansayan takau. Io po nampasimpung ra ulun ru Jaudi am ulun sala' ka Jaudi ra rondo' bansa'. Am ra kapatayan Nano nangiru' Io ra pinongompong ondo' nampasuai am nangkinibit risilo nantutula'.

SAGULION 18:4

Imam-imam musiti' aniin ra ampos kasaa' intor ra unor-unor, wain, umau jaitun am bulu ru domba.