IMAMAT 23:18 - Tanou Moonsoi Timugon

¹⁸ Pabayaan ra ruti' no, musiti' ulun ru Israil mapataak ra tulu' ngainan anak domba ondo' makaumur sambilor, sanginan sapi' gawayan, am ruo ngainan kambing gawayan. Ngaangai' bibiag no kalo najamaran. Pataako' noyo ngaangai' no ra Tuhan tayar ru taak simbalui mapabansuk ra guang ru Tuhan, pabayaan ra taak simbalui koson paringkuanangan am taak simbalui wain. Owou ru taak no mapabansuk ra guang ru Tuhan.

IMAMAT 23:18 ပူးပေါင်းရင်းမြစ်များ

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 23:17

Musiti' moonong sasambaloi magibit ruo ngantaun ruti', koson ra taak lilion ra Tuhan. Musiti' moonong ruti' baalon intor ra ruo ngakilogram tapung moonsoi kaga' ondo' latakin ra ragi. Musiti' ruti' ti pataakon ra Tuhan tayar ru taak intor ra kinumos ra gandum ondo' kasaa'.

IMAMAT 23:19

Suai raginio pataako' noyo sanginan kambing gawayan tayar ru taak simbalui koson mangampun ra tula, am ruo ngainan anak domba gawayan ondo' sambilor umur no tayar ru taak simbalui koson makibarakat ra Tuhan.

IMAMAT 7:13

Suai raginio, musiti' io niayuk mapataak ra ruti' ondo' baalon latakin ra ragi.