IMAMAT 23:17 - Tanou Moonsoi Timugon

¹⁷ Musiti' moonong sasambaloi magibit ruo ngantaun ruti', koson ra taak lilion ra Tuhan. Musiti' moonong ruti' baalon intor ra ruo ngakilogram tapung moonsoi kaga' ondo' latakin ra ragi. Musiti' ruti' ti pataakon ra Tuhan tayar ru taak intor ra kinumos ra gandum ondo' kasaa'.

IMAMAT 23:17 ပူးပေါင်းရင်းမြစ်များ

NIGIMIA 10:37

Ibiton mai tapung ondo' makata' ondo' binaal intor ra unor-unor ondo' kasaa' kinumos ra moonong bilor, am niayuk taak ra bokon ondo' ginio am wain, umau jaitun, am niayuk ngaangai' salinut ru kikinawa'. Ngaangai' no taakin mai ra imam-imam ondo' giu' ra Baloi ru Tuhan. Aniin mai sampiopor ra ramon no ra ulun ru Liwi ondo' mangumung ra taak sampiopor giu' ra intok-intok pagitanaman no, iono sampiopor intor ra ampos ru tatanom ondo' tumuu' giu' ra umo mai.

KAINGKUALAN 22:29

“Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:22

“Iantakon Pangiantakan Mangkumos paat ra akau tumalimpuun mangkumos ra ampos kasaa' ru gandum min. Antakon niayuk Pangiantakan Mangkalukub ra Raun bulintok raun matutu', paat ra akau mangupu ra kikinawa'.

KAINGKUALAN 34:26

“Moonong bilor, ibito' ampos kasaa' intor ra tana' min ra baloi ru Tuhan i Aki Kapuuno' min. “Pai' ansako' anak domba kapoam anak kambing ra gatas ru indung no.”

IMAMAT 2:12

Ampos ru tinanom ondo' kumoson galing mino ra moonong bilor musiti' pataakon ra Tuhan, kaa' taak no kalo solobon ra rasawat ru altar.

IMAMAT 23:18

Pabayaan ra ruti' no, musiti' ulun ru Israil mapataak ra tulu' ngainan anak domba ondo' makaumur sambilor, sanginan sapi' gawayan, am ruo ngainan kambing gawayan. Ngaangai' bibiag no kalo najamaran. Pataako' noyo ngaangai' no ra Tuhan tayar ru taak simbalui mapabansuk ra guang ru Tuhan, pabayaan ra taak simbalui koson paringkuanangan am taak simbalui wain. Owou ru taak no mapabansuk ra guang ru Tuhan.

IMAMAT 7:13

Suai raginio, musiti' io niayuk mapataak ra ruti' ondo' baalon latakin ra ragi.

UNTABAN 15:17

Nanaak Tuhan ri Musa

UNTABAN 18:12

Pataakon Ku rirun ngaangai' ampos kasaa' ondo' moonsoi kaga', ondo' pataakon ru ulun ru Israil Raki' ra moonong bilor: umau jaitun, wain am gandum.

UNTABAN 18:13

Ngaangai' no okou tatangan. Moonong sasambaloi muno ondo' kalo najamalan makaakan raginio.

UNTABAN 28:26

Paat ra orou kasaa' ru Pangiantakan Napangaan Nangkumos, paat ra akau mapataak ra Tuhan ra gandum ondo' bagu, akau musiti' tumimung koson sumambayang; pai' pangandoi ra maagat.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.