IMAMAT 22:32 - Tanou Moonsoi Timugon

³² Pai' pagasab ra inggalan Kuno ondo' matulai. Musiti' ngaangai' ulun ru Israil sumamba Raki' koson Ondo' Matulai Kaga'. Aku noyo Tuhan am Aku mapapasau ramuyun.

IMAMAT 22:32 ပူးပေါင်းရင်းမြစ်များ

JISAYA 5:16

Ginio noyo ra Tuhan Ondo' Maayo' Kaga Kuasa' mampakito ra katulayan Nano koson mambaal ra atan ondo' motopot, am niayuk mapatalang ra katulayan Nano koson mangakim ra ulun Nano.

JISAYA 8:13

Karaa' noyo ra Aku, Tuhan Ondo' Maayo Kaga' Kuasa' iono matulai. Aku noyo sotopot no kalaanin min.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

IMAMAT 20:8

Gagaya' no ra ukum Kuno, sabap ra Aku noyo Tuhan ondo' nampatulai ramuyun Raki'.”

IMAMAT 21:15

Amon ru manggal io ra aturan raginio, anak-anak nano ondo' sotopot no matulai, masauk majamol. Aku noyo Tuhan am patimpokon Ku noyo io ra Tingganai Maayo Imam.”

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 22:16

ra mangani' raginio ra ulun ondo' kalo maaya' mangakan no. Baal ragitio maparatong ra kasalaan am ukuman ra ulun ondo' mangakan raginio. Aku noyo Tuhan am Aku noyo napapasau ra taak simbalui no.”

IMAMAT 22:2

koson mapasaboi ra susuban ti ri Arun am anak-anak nano, “Baalo' min ra matanda' taak-taak simbalui ondo' pataakon ru ulun ru Israil palilion Raki' ayuk, maa' raginio kalo magasab kau ra inggalan Kuno ondo' matulai. Aku noyo Tuhan.

IMAMAT 22:31

Indagu Tuhan, “Gagayaa' noyo ngaangai' susuban Kuno; Aku noyo Tuhan.

IMAMAT 22:33

Nagibit Aku ramuyun miningkual intor ra Misir maa' raginio masauk Aku ri Aki Kapuuno' min. Aku noyo Tuhan.”

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

LUKAS 11:2

Indagu i Jisus risilo, “Pakiasi' kano ri Aki Kapuuno' koson ragitio, ‘Ama', omporon inggalan Muno. Gama' ru Okou mamarinta giti ra tana' ti.

JUANIS 17:17

Sauko' ilo no ra Ulun Muno ralalom ru katapatan Muno; bala' Mu noyo katapatan.