IMAMAT 22:18 - Tanou Moonsoi Timugon

¹⁸ maa' raginio mangani' ra aturan ragitilo ri Arun am anak-anak nano, am niayuk ra ngaangai' ulun ru Israil. Paat ra sangulun Israil kapoam sangulun bansa' ru bokon ondo' mayan ra pagun ru Israil mapataak ra taak simbalui koson mapabansuk ra guang ru Tuhan, ondo' kia tayar manugut ra nazar kapoam koson taak simbalui ondo' pataakon ra kalo kibayarin, bibiag no ondo' kalo najamaran no.

IMAMAT 22:18 ပူးပေါင်းရင်းမြစ်များ

2 TUNUNG RU BANSA' ISRAIL 31:14

I Kori anak ri Jimna, sangulun Liwi ondo' ragili nasauk ra tingganai magalung giu' ra Kulobon Garabang Sirangon Baloi ru Tuhan, pinangandoi mangapu ra taak ondo' pinataak ra Tuhan am niayuk mantatayar raginio.

MAZMUR 116:14

Giu' ra saang ru ngaangai' ru ulun Nano, suguton ku bantu' kuno Riso.

MAZMUR 116:18

Suguton ku bantu' kuno ra Tuhan ra saang ru ngaangai' ru ulun Nano,

MAZMUR 22:25

Kalo asabin No ulun ra inimpayan kapoam mampalilian ra imbolo' nilono; kalo minggalur Io intor risilo, kaa' mangining Io risilo paat makiindangan Riso.

MAZMUR 56:12

Mangintopot aku Riso am kalo malaa' aku. Atan kia maalap kabaal ru ulun no raki'?

MAZMUR 61:5

Polosoo' aku mayan ra kim Muno buoi ra aku maayag; maa' raginio mabayag aku ra saau ru kawo Muno.

MAZMUR 61:8

Gama' ru sabuoi-buoi raja' no mamarinta ra saang Muno; iou Aki Kapuuno', sindungi' noyo raja' ralalom ru gagaya' am togom Muno.

MAZMUR 65:1

Ra tingganai santimungan maririmbai. Mazmur ri Daut. Layuk.

MAZMUR 66:13

Magibit aku ra taak ra sinolob ra Baloi Muno; gagayaan ku bantu' kuli Rirun,

KAINGKUALAN 12:5

Pampilion kau ra sanginan domba kapoam sanginan kambing, kaa' musiti' gawayan bibiag no ondo' umur no sambilor, am ondo' kolondo' maruol nano.

MAMPATANOU 5:4

Moonsoi poyo ra kalo makimabantu' intor ra kalo suguton bantu' no.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:2

Aturan raginio musiti' suguton ru ulun ru Israil. Paat ra sasangulun mapataak ra bibiag koson ra taak simbalui, makapapataak io ra sapi', domba kapoam kambing. Taak simbalui no musiti' solobon saboi makai' giu' ra rasawat ru altar gangsa'.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:13

Ulun ru Israil kapoam bansa' ru bokon ondo' minayan risilo, ondo' mamparakop ra sanginan bibiag kapoam susuit ra mapasau, musiti' mapasasar ra raraa' ru bibiag no ra tana' am taubin raraa' no ra tana'.

IMAMAT 22:17

Nanusub Tuhan ri Musa

IMAMAT 23:38

Pangiantakan raginilo iono pinaruang paat ra orou Sabat ondo' kaindalaman, am taak raginilo iono pinaruang ra taak ondo' kaindalaman min taakin koson manugut ra gogoton kapoam tayar ru taak ondo' pataakon ayuk toojo ra Tuhan.

IMAMAT 7:16

Paat ra sasangulun mapataak ra taak simbalui koson makibarakat ra Tuhan, ra kuayan manugut ra nazar nano kapoam koson ra taak ondo' pataakon no ayuk toojo, kalo pana akanon ngaangai' taak simbalui raginio paat ra orou papataakan ra taak simbalui no. Suwo no maakan ra suabon no.

AMOS 4:5

Pampataak no ra ruti' koson ra taak paringkuanangan ri Aki Kapuuno', am ragu minsawat intor ra pataakon ra pinaruang ondo' ibiton min! Binaal koson raginio noyo ondo' masaga' min baalon.

JUNUS 1:16

Ngaangai' ulun ru kapal i malaa' toojo ra Tuhan. Nampataak ilo ra taak simbalui ra Tuhan am nambaal ra nazar Riso.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

NAGUM 1:15

Ilai', sangulun sinusub matong mansail ra gunung-gunung koson mampasaboi ra tanou moonsoi. Matong io koson mampatanou ra kamanangan! Mamagun kau ngai' ru Jiuda, pangiantak kano ra pangiantakan min am suguto' noyo nazar ondo' binantu' min ri Aki Kapuuno'. Ulun malaat totopot kalo boo mamulunsar ra pagun min. Pinuso ilo noyo ra malingon.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

UNTABAN 15:3

Tayar ru taak simbalui koson mapabansuk ra guang ru Tuhan, kapoam taak simbalui koson manugut ra nazar, kapoam taak simbalui toojo ayuk, kapoam taak simbalui paat ra pangiantakan ra kaindalaman, makapanaak kau ra bibiag ragitio ra Tuhan: Sanginan sapi' gawayan, sanginan domba gawayan, sanginan domba kapoam sanginan kambing. Owou ru taak akanon no mapabansuk ra guang ru Tuhan.

RINALATAN 18:18

Minayan i Paulus kukula' ngoorou poyo giu' ra Korintus. Iruani' no boo ulun Kristian ra giu' i am pasundoi ra Siria nabaya' ri Prisila am i Akwila. Kalo poyo minugar ilo intor ra Kingkiria, pambulut io. Binaal no gitio koson rondo' tatandu' ra nagibot io ra Tuhan.

SAGULION 12:17

Kolondo' sangulun pana ramuyun mapataak ra Tuhan iowon akanon giu' ra intok inayanan min: iou pana sampiopor gandum, wain, umau jaitun kapoam anak katuaan ru sapi' am anak katuaan ru domba, taak ondo' binantu' min ra Tuhan, taak toojo ayuk, kapoam taak ra bokon.

SAGULION 12:6

Giu' ra intok no akau musiti' mampataak ra taak simbalui koson mapabansuk ra guang ru Tuhan, am taak simbalui ra bokon, sampiopor am taak ra bokon, taak ondo' binantu' min ra Tuhan, taak ondo' pataakon ayuk toojo, am niayuk anak katuaan ru sapi', am niayuk anak katuaan ru domba min.

SAGULION 16:10

Kopongo raginio iantako' Pangiantakan ra mangkumos koson mangurumat ra Tuhan i Aki Kapuuno' min. Panaak noyo Riso ra taak kalo kibayarin, sumugut ra suang ru barakat ondo' pinataakan noyo ramuyun.